ಹರನಿಂದೆ ಗುರುನಿಂದೆ ಪರನಿಂದ್ಯವ ತೊರೆದು
ಶಿವಕೇಳಿಯೊಳಿಂಬುಗೊಂಡ ಕರ್ಣಕ್ಕೆ
ಕರ್ಣೇಂದ್ರಿಯವೆಲ್ಲಿಹುದೋ?
ಕಾಮವೆಂಬ ಶೀತ, ಕ್ರೋಧವೆಂಬ ಉಷ್ಣ,
ಮೋಹನ ಮುದ್ದುಮುಖ ಮೊಲೆ,
ಅಂಗನೆಯೆಂಬ ಮೃದು, ವಿಷಯಾತುರವೆಂಬ ಕಠಿಣವ ಮುಟ್ಟದೆ,
ಲಿಂಗ ಮುಟ್ಟಿ ಲಿಂಗವ ಪೂಜಿಸಿ ಲಿಂಗವ ಮೋಹಿಪ
ಹಸ್ತಕ್ಕೆ ತ್ವಗಿಂದ್ರಿಯವೆಲ್ಲಿಯದೋ?
ಶ್ವೇತ ಪೀತ ಹರಿತ ಮಾಂಜಿಷ್ಟ ಮಾಣಿಕ್ಯ ಕಪೋತವರ್ಣವೆಂಬ
ಷಡುರೂಪವ ಕಳೆದು ಲಿಂಗದ
ಷಡುರೂಪದೊಳಿಂಬುಪಡೆದುಕೊಂಡು
ಅನಿಮಿಷದೃಷ್ಟಿ ಇಟ್ಟ ನಯನಕ್ಕೆ ನೇತ್ರೇಂದ್ರಿಯವೆಲ್ಲಿಯದೊ?
ತಿಕ್ತ ಕಟು ಕಷಾಯ ಮಧುರ ಆಮ್ಲ ಲವಣವೆಂಬ
ಷಡುರುಚಿಗೆಳಸದೆ, ಲಿಂಗಾನುಭಾವಾಮೃತವ
ಸೇವಿಪ ಜಿಹ್ವೆಗೆ ಜಿಹ್ವೇಂದ್ರಿಯವೆಲ್ಲಿಯದೋ?
ಗಂಧ ದುರ್ಗಂಧವನಳಿದು ಸ್ವಾನುಭಾವಸದ್ವಾಸನೆಗೆಳಸಿಪ್ಪ
ನಾಸಿಕಕ್ಕೆ ಘ್ರಾಣೇಂದ್ರಿಯವೆಲ್ಲಿಯದೋ?
ಇಂತೀ ಪಂಚೇಂದ್ರಿಯಮುಖದಲ್ಲಿ
ಪಂಚವದನನ ಮುಖವಾಗಿಪ್ಪ
ಶಿವಶರಣರು ಲಕ್ಷಗಾವುದದಲ್ಲಿದ್ದರೂ ಇರಲಿ,
ಅಲ್ಲಿಗೆನ್ನ ಮನಮಂ ಹರಿಯಬಿಟ್ಟು ನಮಸ್ಕರಿಸುವೆನು.
ಕಂದ :
ಲಕ್ಷಯೋಜನದೊಳಾಡೆ
ಮುಕ್ಕಣ್ಣನ ಶರಣನೈದನೆನೆ ಕೇಳ್ದೊಲವಿಂ
ದಿಕ್ಕನೆ ಮನಮಂ ಕಳುಹಿ ಪ
ದಕ್ಕೆರಗುವೆ ನಾಂ ಪ್ರಸನ್ನಶಂಕರಲಿಂಗ
ಈ ಕಾರಣ ನಿಮ್ಮ ಶರಣರ ನೆನೆದು ನೋಡಿ ವಾರ್ತೆಯ ಕೇಳಿ
ಮನಮುಟ್ಟಿ ದರುಶನವ ಮಾಡಲೆನ್ನ ಭವ ಹಿಂಗಿತ್ತು ಕಾಣಾ
ಪರಮಗುರು ಪಡುವಿಡಿ ಸಿದ್ಧಮಲ್ಲಿನಾಥಪ್ರಭುವೆ.
Transliteration Haraninde guruninde paranindyava toredu
śivakēḷiyoḷimbugoṇḍa karṇakke
karṇēndriyavellihudō?
Kāmavemba śīta, krōdhavemba uṣṇa,
mōhana muddumukha mole,
aṅganeyemba mr̥du, viṣayāturavemba kaṭhiṇava muṭṭade,
liṅga muṭṭi liṅgava pūjisi liṅgava mōhipa
hastakke tvagindriyavelliyadō?
Śvēta pīta harita mān̄jiṣṭa māṇikya kapōtavarṇavemba
ṣaḍurūpava kaḷedu liṅgada
ṣaḍurūpadoḷimbupaḍedukoṇḍu
animiṣadr̥ṣṭi iṭṭa nayanakke nētrēndriyavelliyado?Tikta kaṭu kaṣāya madhura āmla lavaṇavemba
ṣaḍurucigeḷasade, liṅgānubhāvāmr̥tava
sēvipa jihvege jihvēndriyavelliyadō?
Gandha durgandhavanaḷidu svānubhāvasadvāsanegeḷasippa
nāsikakke ghrāṇēndriyavelliyadō?
Intī pan̄cēndriyamukhadalli
pan̄cavadanana mukhavāgippa
śivaśaraṇaru lakṣagāvudadalliddarū irali,
alligenna manamaṁ hariyabiṭṭu namaskarisuvenu.
Kanda:
Lakṣayōjanadoḷāḍe
mukkaṇṇana śaraṇanaidanene kēḷdolaviṁ
Dikkane manamaṁ kaḷuhi pa
dakkeraguve nāṁ prasannaśaṅkaraliṅga
ī kāraṇa nim'ma śaraṇara nenedu nōḍi vārteya kēḷi
manamuṭṭi daruśanava māḍalenna bhava hiṅgittu kāṇā
paramaguru paḍuviḍi sid'dhamallināthaprabhuve.
