ಇನ್ನೇವೆ ಇನ್ನೇವೆನಯ್ಯಾ?
ಸಂಸಾರಕೂಪದ ನೆಲೆಯಿಲ್ಲದ ಜಲದೊಳು ಎನ್ನ ಕೆಡವಿದೆ.
ನೆಲೆಗಾಣದೆ ಹಲವು ದೆಸೆಗೆ ಹಂಬಲಿಸಿ
ಮುಳುಮುಳುಗಿ ಏಳುತ್ತಿದ್ದೆನಯ್ಯಾ.
`ಸಂಸಾರಕೂಪಜಲಮುಚ್ಯತೇ' ಎಂದುದಾಗಿ
ಈ ಸಂಸಾರವೆಂಬ ಬಾವಿಯ ಜಲದೊಳು ಮುಳುಗಿರುವಂಗೆ
ದುರಿತಸಂಹರವೆಂಬ ತೊಟ್ಟಿಲಿಂಗೆ,
ಕರುಣಾಕೃಪೆಯೆಂಬ ಸೇದೆಯ ಹಗ್ಗವ ಕಟ್ಟಿ ಇಳಿವಿಟ್ಟು
ಎನ್ನನೆಳೆತೆಗೆದು ಕಾಯೊ ಕಾಯೊ ನಿಮ್ಮ ಧರ್ಮ ನಿಮ್ಮ ಧರ್ಮ
ಪರಮಗುರು ಪಡುವಿಡಿ ಸಿದ್ಧಮಲ್ಲಿನಾಥಪ್ರಭುವೆ.
Transliteration Innēve innēvenayyā?
Sansārakūpada neleyillada jaladoḷu enna keḍavide.
Nelegāṇade halavu desege hambalisi
muḷumuḷugi ēḷuttiddenayyā.
`Sansārakūpajalamucyatē' endudāgi
ī sansāravemba bāviya jaladoḷu muḷugiruvaṅge
duritasanharavemba toṭṭiliṅge,
karuṇākr̥peyemba sēdeya haggava kaṭṭi iḷiviṭṭu
ennaneḷetegedu kāyo kāyo nim'ma dharma nim'ma dharma
paramaguru paḍuviḍi sid'dhamallināthaprabhuve.
