ಯೋನಿಯಲ್ಲಿ ಹುಟ್ಟಿ, ಯೋನಿಯನೆ ಬಯಸಿ,
ಯೋನಿಯ ಮುಖಕೆ ಗುರಿಯಾಗಿ ಸತ್ತು ಸತ್ತು
ಯೋನಿಯೆಂಬ ಗಾಣದಲ್ಲಿ ಹುಟ್ಟುತ್ತಿಪ್ಪುದು
'ಶಿವ' ನಿಮ್ಮ ನೆನವ ಮರೆದ ಕಾರಣ.
ಅದು ಎಂತೆಂದರೆ:
ಸಾಕ್ಷಿ: ``ಇದಂ ಗರ್ಭಗತಂ ಶ್ರುತ್ವಾ ಯೋನಿಯಂತ್ರಪ್ರಪೀಡನಂ |
ಜಾಯತೇ ವಾಯುನಾ ವೇತ್ತಿ ವಿಸ್ಮೃತೇ ವೈಷ್ಣವೇ ಶ್ರುತೇ ||''
ಎಂದುದಾಗಿ, ಸಂಸಾರ ವಿಷಯದ ಸರ್ಪನ ವಿಷ ತಲೆಗೇರಿ
ಮುಂದುಗಾಣದೆ ಅರುಹಿರಿಯರೆಲ್ಲ ಭಂಗಬಡುತ್ತಿದ್ದರು-
ನಿನ್ನನೆಂತು ಬಲ್ಲರಯ್ಯ?
ಸಂಸಾರವೆಂಬುದ ಮುಂದುಗೊಂಡು ನಿನ್ನ ಮರೆದೆನಯ್ಯಾ
ಪರಮಗುರು ಪಡುವಿಡಿ ಸಿದ್ಧಮಲ್ಲಿನಾಥಪ್ರಭುವೆ.
Transliteration Yōniyalli huṭṭi, yōniyane bayasi,
yōniya mukhake guriyāgi sattu sattu
yōniyemba gāṇadalli huṭṭuttippudu
'śiva' nim'ma nenava mareda kāraṇa.
Adu entendare:
Sākṣi: ``Idaṁ garbhagataṁ śrutvā yōniyantraprapīḍanaṁ |
jāyatē vāyunā vētti vismr̥tē vaiṣṇavē śrutē ||''
endudāgi, sansāra viṣayada sarpana viṣa talegēri
mundugāṇade aruhiriyarella bhaṅgabaḍuttiddaru-
ninnanentu ballarayya?
Sansāravembuda mundugoṇḍu ninna maredenayyā
paramaguru paḍuviḍi sid'dhamallināthaprabhuve.
