ಗುರುವಿನಲ್ಲಿ ಗುಣ ವಿದ್ಯೆ ಕುಲ ಬಾಲ್ಯ ಯೌವನ
ವೃದ್ಧನೆಂದು ಅರಸಲುಂಟೇ? ಅರಸಿದರೆ ಮಹಾಪಾತಕ.
ಸಾಕ್ಷಿ:
ಆಚಾರ್ಯೇ ಬಾಲಬುದ್ಧಿಶ್ಚ ನರಬುದ್ಧಿಸ್ತಥೈವ ಚ |
ಅಸಿಷ್ಟ ಬುದ್ಧಿಭಾವೇನ ರೌರವಂ ನರಕಂ ವ್ರಜೇತ್ || ''
ಎಂದುದಾಗಿ,
ಎನ್ನ ಗುರು ಬಾಲನೂ ಅಲ್ಲ, ಯೌವನನೂ ಅಲ್ಲ,
ವೃದ್ಧನೂ ಅಲ್ಲ.
ಮೃತರಹಿತ ಪರಶಿವ.
ಪರಮಗುರು ಪಡುವಿಡಿ ಸಿದ್ಧಮಲ್ಲಿನಾಥಪ್ರಭುವೆಂಬ
ಗುರುವ ಮರೆದವರಿಗೆ ಇದೇ ನರಕ.
Transliteration Guruvinalli guṇa vidye kula bālya yauvana
vr̥d'dhanendu arasaluṇṭē? Arasidare mahāpātaka.
Sākṣi:
Ācāryē bālabud'dhiśca narabud'dhistathaiva ca |
asiṣṭa bud'dhibhāvēna rauravaṁ narakaṁ vrajēt ||''
endudāgi,
enna guru bālanū alla, yauvananū alla,
vr̥d'dhanū alla.
Mr̥tarahita paraśiva.
Paramaguru paḍuviḍi sid'dhamallināthaprabhuvemba
guruva maredavarige idē naraka.
