ಇಷ್ಟಲಿಂಗವ ಮರೆದು ಬರಿಯ ಕಲ್ಲಿಗೆರಗುವ
ಭ್ರಷ್ಟಂಗಿನ್ನೆಲ್ಲಿಯ ಶಿವಾಚಾರವಯ್ಯಾ!
ಖಡ್ಗವ ಬಿಟ್ಟು ಕೋಲುವಿಡಿದು ಕಾಳಗವ ಮಾಡಿದರೆ
ತಲೆ ಹೋಗುವುದನರಿಯಾ ಮನುಜ.
ಲಿಂಗವ ಬಿಟ್ಟು ಅನ್ಯಲಿಂಗವ ಪೂಜೆಮಾಡಿದರೆ
ನರಕವೆಂಬುದನರಿಯಾ ಪಾಪಿ.
ಸಾಕ್ಷಿ:
“ಇಷ್ಟಲಿಂಗೇ ಪರೇತ್ ಚ ಭಾವಾದನ್ಯತ್ರ ಗಚ್ಛತಿ |
ಸ ಕಿಲ್ಬಿಷಮವಾಪ್ನೋತಿ ಪೂಜಯನ್ ನಿಃಫಲೋ ಭವೇತ್||''
ಎಂಬ ವಚನವನರಿಯದೆ ಮುಂದುಗಾಣದನ್ಯದೈವಕೆರಗುವ
ಅಂಧಕರಿಗೆಂದೆಂದು ಭವಹಿಂಗದೆಂದಾತ ನಮ್ಮ
ಪರಮಗುರು ಪಡುವಿಡಿ ಸಿದ್ಧಮಲ್ಲಿನಾಥಪ್ರಭುವೆ.
Transliteration Iṣṭaliṅgava maredu bariya kalligeraguva
bhraṣṭaṅginnelliya śivācāravayyā!
Khaḍgava biṭṭu kōluviḍidu kāḷagava māḍidare
tale hōguvudanariyā manuja.
Liṅgava biṭṭu an'yaliṅgava pūjemāḍidare
narakavembudanariyā pāpi.
Sākṣi:
“Iṣṭaliṅgē parēt ca bhāvādan'yatra gacchati |
sa kilbiṣamavāpnōti pūjayan niḥphalō bhavēt||''
emba vacanavanariyade mundugāṇadan'yadaivakeraguva
andhakarigendendu bhavahiṅgadendāta nam'ma
paramaguru paḍuviḍi sid'dhamallināthaprabhuve.
