ನಕಾರ ನರಜನ್ಮದ ಹೊಲೆಯ ಕಳೆದು,
ಮಕಾರ ಮಾಂಸಪಿಂಡದ ಹೊಲೆಯ ಕಳೆದು
ಮಂತ್ರಪಿಂಡವ ಮಾಡಿತಯ್ಯಾ.
ಶಿಕಾರ ಶಿವದೇಹಿಯ ಮಾಡಿತಯ್ಯ,
ವಕಾರ ಒಳಹೊರಗೆ ತೊಳಗಿ ಬೆಳಗಿ ಶುದ್ಧನಮಾಡಿತಯ್ಯ,
ಯಕಾರ ಎನ್ನ ಭವವ ಹಿಂಗಿಸಿತಯ್ಯ.
ಓಂಕಾರ ಪ್ರಾಣ ಜೀವಾತ್ಮ ದೇಹದ ಮಧ್ಯದೊಳು
ಸರ್ವಪೂರ್ಣಮಯವಾಗಿದ್ದಿತಯ್ಯಾ.
ಇಂತೀ ಷಡಕ್ಷರಿಯ ಮಂತ್ರವ ಜಪಿಸಿ,
ಅಂತಕನ ಪಾಶವ ಸುಟ್ಟು ನಿಟ್ಟೊರಸಿದೆನು ಕಾಣಾ
ಪರಮಗುರು ಪಡುವಿಡಿ ಸಿದ್ಧಮಲ್ಲಿನಾಥಪ್ರಭುವೆ.
Transliteration Nakāra narajanmada holeya kaḷedu,
makāra mānsapiṇḍada holeya kaḷedu
mantrapiṇḍava māḍitayyā.
Śikāra śivadēhiya māḍitayya,
vakāra oḷahorage toḷagi beḷagi śud'dhanamāḍitayya,
yakāra enna bhavava hiṅgisitayya.
Ōṅkāra prāṇa jīvātma dēhada madhyadoḷu
sarvapūrṇamayavāgidditayyā.
Intī ṣaḍakṣariya mantrava japisi,
antakana pāśava suṭṭu niṭṭorasidenu kāṇā
paramaguru paḍuviḍi sid'dhamallināthaprabhuve.
