ಪಂಚಾಕ್ಷರವೆ ಶಿವನ ಪಂಚಮುಖದಿಂದಲುದಯವಾಗಿ
ಪಂಚತತ್ವಸ್ವರೂಪವಾಯಿತ್ತು ನೋಡಾ.
ಆ ಪಂಚಸ್ವರೂಪಿಂದಲೆ ಬ್ರಹ್ಮಾಂಡ ನಿರ್ಮಿತವಾಯಿತ್ತು.
ಆ ಬ್ರಹ್ಮಾಂಡದಿಂದ ಪಿಂಡಾಂಡ ನಿರ್ಮಿತವಾಯಿತ್ತು.
ಅದು ಎಂತೆಂದರೆ ಹೇಳುವೆ ಕೇಳಿರಣ್ಣಾ:
ಸದ್ಯೋಜಾತಮುಖದಲ್ಲಿ ನಕಾರ ಪುಟ್ಟಿತ್ತು,
ಆ ನಕಾರದಿಂದ ಪೃಥ್ವಿ ಪುಟ್ಟಿತ್ತು,
ವಾಮದೇವಮುಖದಲ್ಲಿ ಮಕಾರ ಪುಟ್ಟಿತ್ತು.
ಆ ಮಕಾರದಿಂದ ಅಪ್ಪು ಪುಟ್ಟಿತ್ತು,
ಅಘೋರಮುಖದಲ್ಲಿ ಶಿಕಾರ ಜನನ.
ಆ ಶಿಕಾರದಿಂದ ಅಗ್ನಿ ಪುಟ್ಟಿತ್ತು,
ತತ್ಪುರುಷಮುಖದಲ್ಲಿ ವಕಾರ ಪುಟ್ಟಿತ್ತು,
ಆ ವಕಾರದಿಂದ ವಾಯು ಪುಟ್ಟಿತ್ತು,
ಈಶಾನಮುಖದಲ್ಲಿ ಯಕಾರ ಜನನ,
ಆ ಯಕಾರದಿಂದ ಆಕಾಶ ಹುಟ್ಟಿತ್ತು,
ಈ ಪಂಚತತ್ವಸ್ವರೂಪಿಂದ ಬ್ರಹ್ಮಾಂಡ ನಿರ್ಮಿತವಾಯಿತ್ತು.
ಆ ಬ್ರಹ್ಮಾಂಡದಿಂದ ಪಿಂಡಾಂಡ ನಿರ್ಮಿತವಾಯಿತ್ತು.
ಹೇಗೆ ನಿರ್ಮಿತವಾಯಿತ್ತೆಂದರೆ,
ಪೃಥ್ವಿ ಅಪ್ ತೇಜ ವಾಯು ಆಕಾಶವೆಂಬ ಪಂಚಭೂತಂಗಳಿಂದವೆ
ಪಂಚವಿಂಶತಿತತ್ವಂಗಳುತ್ಪತ್ಯವಾದವು.
ಆ ಪಂಚವಿಂಶತಿ ತತ್ವಂಗಳಿಂದವೆ ಶರೀರವಾಯಿತ್ತು.
ನಕಾರದಿಂದ ಕರ್ಮೇಂದ್ರಿಯಂಗಳ ಜನನ.
ಮಕಾರದಿಂದ ಪಂಚವಿಷಯಂಗಳುತ್ಪತ್ಯ.
ಶಿಕಾರದಿಂದ ಬುದ್ಧೀಂದ್ರಿಯಗಳು ಜನನ.
ವಕಾರದಿಂದ ಐದು ಪ್ರಾಣವಾಯುಗಳ ಜನನ.
ಯಕಾರದಿಂದ ಅಂತಃಕರಣಚತುಷ್ಟಯಂಗಳು
`ನಮಃ ಶಿವಾಯ' `ನಮಃ ಶಿವಾಯ'ವೆಂಬ ಪಂಚಾಕ್ಷರದಿಂದವೆ
ಉತ್ಪತ್ಯವೆಂದು ಹೇಳಲ್ಪಟ್ಟಿತ್ತಯ್ಯ
ಪರಮಗುರು ಪಡುವಿಡಿ ಸಿದ್ಧಮಲ್ಲಿನಾಥಪ್ರಭುವೆ.
Transliteration Pan̄cākṣarave śivana pan̄camukhadindaludayavāgi
pan̄catatvasvarūpavāyittu nōḍā.
Ā pan̄casvarūpindale brahmāṇḍa nirmitavāyittu.
Ā brahmāṇḍadinda piṇḍāṇḍa nirmitavāyittu.
Adu entendare hēḷuve kēḷiraṇṇā:
Sadyōjātamukhadalli nakāra puṭṭittu,
ā nakāradinda pr̥thvi puṭṭittu,
vāmadēvamukhadalli makāra puṭṭittu.
Ā makāradinda appu puṭṭittu,
aghōramukhadalli śikāra janana.
Ā śikāradinda agni puṭṭittu,
tatpuruṣamukhadalli vakāra puṭṭittu,
Ā vakāradinda vāyu puṭṭittu,
īśānamukhadalli yakāra janana,
ā yakāradinda ākāśa huṭṭittu,
ī pan̄catatvasvarūpinda brahmāṇḍa nirmitavāyittu.
Ā brahmāṇḍadinda piṇḍāṇḍa nirmitavāyittu.
Hēge nirmitavāyittendare,
pr̥thvi ap tēja vāyu ākāśavemba pan̄cabhūtaṅgaḷindave
pan̄cavinśatitatvaṅgaḷutpatyavādavu.
Ā pan̄cavinśati tatvaṅgaḷindave śarīravāyittu.
Nakāradinda karmēndriyaṅgaḷa janana.
Makāradinda pan̄caviṣayaṅgaḷutpatya.
Śikāradinda bud'dhīndriyagaḷu janana.
Vakāradinda aidu prāṇavāyugaḷa janana.
Yakāradinda antaḥkaraṇacatuṣṭayaṅgaḷu`Namaḥ śivāya' `namaḥ śivāya'vemba pan̄cākṣaradindave
utpatyavendu hēḷalpaṭṭittayya
paramaguru paḍuviḍi sid'dhamallināthaprabhuve.
