ಗಂಡಗಿಂದ ಹೆಂಡತಿ ಮೊದಲೇ ಹುಟ್ಟಿದರು
ಆ ಗಂಡಗಿಂದ ಕಿರಿಯಳಲ್ಲದೆ ಹಿರಿಯಳಲ್ಲವಯ್ಯ.
ಗುರುವಿಗಿಂದ ಶಿಷ್ಯ ಅರುಹುಳ್ಳವನಾದರು,
ಆ ಗುರುವಿಂಗೆ ಭೃತ್ಯನಲ್ಲದೆ ಕರ್ತನಲ್ಲವಯ್ಯ.
ಕುದುರೆಯ ಹಿಡಿಯ ಹೇಳಿದರೆ
ರಾವುತಿಕೆಯ ಮಾಡಿದರೆ ಒಪ್ಪುವರೇ?
ಆಳಾಗಿದ್ದು ಆರಸಾಗಿರ್ದೆನೆಂದರೆ ಒಪ್ಪುವರೇ?
ಮಗನೇನು ತಂದೆಯಾಗಬಲ್ಲನೇ?
ಇದುಕಾರಣ, ಶಿಷ್ಯಂಗೆ ಭಯಭಕ್ತಿ ಕಿಂಕುರ್ವಾಣವೆ ಇರಬೇಕು.
ಈ ಗುಣವುಳ್ಳರೆ ಆ ಶಿಷ್ಯನೆ ಗುರುವಪ್ಪುದು ತಪ್ಪದು ಕಾಣಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Gaṇḍaginda heṇḍati modalē huṭṭidaru
ā gaṇḍaginda kiriyaḷallade hiriyaḷallavayya.
Guruviginda śiṣya aruhuḷḷavanādaru,
ā guruviṅge bhr̥tyanallade kartanallavayya.
Kudureya hiḍiya hēḷidare
rāvutikeya māḍidare oppuvarē?
Āḷāgiddu ārasāgirdenendare oppuvarē?
Maganēnu tandeyāgaballanē?
Idukāraṇa, śiṣyaṅge bhayabhakti kiṅkurvāṇave irabēku.
Ī guṇavuḷḷare ā śiṣyane guruvappudu tappadu kāṇā,
mahāliṅgaguru śivasid'dhēśvara prabhuvē.
