ನಾಮರೂಪು ಕ್ರೀಗಳೇನುಯೇನೂ ಇಲ್ಲದ
ನಿತ್ಯನಿರಂಜನ ಪರವಸ್ತು ತಾನೆ ನಿರಂಜನ ಪ್ರಣವ ನೋಡಾ.
[ಆ] ನಿರಂಜನ ಪರವಸ್ತುವಿನಲ್ಲಿ ಪರಮ ಚಿತ್ಕಲೆ ಉದಯವಾಗಿ,
ಆ ಚಿದ್ರೂಪ ಕಲೆಯ ಶುದ್ಧ ಪ್ರಣವವೆನಿಸಿತ್ತು ನೋಡಾ.
ಆ ಶುದ್ಧ ಪ್ರಣವದಲ್ಲಿ ಚಿತ್ತು;
ಆ ಚಿತ್ತೇ ಸಚ್ಚಿದಾನಂದ ಸ್ವರೂಪವನುಳ್ಳುದಾಗಿ,
ಚಿತ್‍ಪ್ರಣವವೆನಿಸಿತ್ತು ನೋಡಾ.
ಆ ಚಿತ್ ಪ್ರಣವಸ್ವರೂಪವಪ್ಪ ಪರತತ್ವದಲ್ಲಿ ಪರಶಕ್ತಿ ಉದಯವಾಯಿತ್ತು.
ಆ ಪರಶಕ್ತಿಯಿಂದ ನಾದ ಬಿಂದು ಕಳೆಗಳಾದವಯ್ಯ.
ಆಕಾರವೇ ನಾದ, ಉಕಾರವೇ ಬಿಂದು, ಮಕಾರವೇ ಕಳೆ;
ಇಂತೀ ಮೂರಕ್ಕೆ ಪರಶಕ್ತಿಯೇ ತಾಯಿ.
ಇಂತೀ ನಾಲ್ಕು ಒಂದಾದಲ್ಲಿ ಪ್ರಣವವಾಯಿತ್ತಯ್ಯ.
ಆ ಪ್ರಣವವೇ ಪಂಚಲಕ್ಷಣವಾಯಿತ್ತು; ಅದೆಂತೆಂದಡೆ:
ತಾರಕಾಕೃತಿ, ದಂಡಕಾಕೃತಿ, ಕುಂಡಲಾಕೃತಿ,
ಅರ್ಧಚಂದ್ರಾಕೃತಿ ಬಿಂದ್ವಾಕೃತಿ.
ಇಂತೀ ಪಂಚಾಕೃತಿಯಾಯಿತ್ತಯ್ಯ.
ತಾರಕಾಕೃತಿಯಲ್ಲಿ ನಕಾರ ಜನನ;
ದಂಡಕಾಕೃತಿಯಲ್ಲಿ ಮಕಾರ ಜನನ.
ಕುಂಡಲಾಕೃತಿಯಲ್ಲಿ ಶಿಕಾರ ಜನನ.
ಅರ್ಧಚಂದ್ರಾಕೃತಿಯಲ್ಲಿ ವಕಾರ ಜನ.
ಬಿಂದ್ವಾಕೃತಿಯಲ್ಲಿ ಯಕಾರ ಜನನ.
ಇಂತೀ ಪ್ರಣವದಿಂದ ಪಂಚಾಕ್ಷರ[ಂ]ಗಳುತ್ಪತ್ತಿಯಾದವಯ್ಯ.
ಪ್ರಣವವೇ ಕೂಡಿ, ಷಡಕ್ಷರವೆಂದು ಹೇಳಲ್ಪಟ್ಟಿತಯ್ಯ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Nāmarūpu krīgaḷēnuyēnū illada
nityaniran̄jana paravastu tāne niran̄jana praṇava nōḍā.
[Ā] niran̄jana paravastuvinalli parama citkale udayavāgi,
ā cidrūpa kaleya śud'dha praṇavavenisittu nōḍā.
Ā śud'dha praṇavadalli cittu;
ā cittē saccidānanda svarūpavanuḷḷudāgi,
citpraṇavavenisittu nōḍā.
Ā cit praṇavasvarūpavappa paratatvadalli paraśakti udayavāyittu.
Ā paraśaktiyinda nāda bindu kaḷegaḷādavayya.
Ākāravē nāda, ukāravē bindu, makāravē kaḷe;
intī mūrakke paraśaktiyē tāyi.
Intī nālku ondādalli praṇavavāyittayya.
Ā praṇavavē pan̄calakṣaṇavāyittu; adentendaḍe:
Tārakākr̥ti, daṇḍakākr̥ti, kuṇḍalākr̥ti,
ardhacandrākr̥ti bindvākr̥ti.
Intī pan̄cākr̥tiyāyittayya.
Tārakākr̥tiyalli nakāra janana;
daṇḍakākr̥tiyalli makāra janana.
Kuṇḍalākr̥tiyalli śikāra janana.
Ardhacandrākr̥tiyalli vakāra jana.
Bindvākr̥tiyalli yakāra janana.
Intī praṇavadinda pan̄cākṣara[ṁ]gaḷutpattiyādavayya.
Praṇavavē kūḍi, ṣaḍakṣaravendu hēḷalpaṭṭitayya,
mahāliṅgaguru śivasid'dhēśvara prabhuvē.
