ಗುರುಮುಖದಿಂದ ಪರಮಲಿಂಗವು ತನ್ನ ಕರವ ಸೇರಿದ ಬಳಿಕ
ಆ ಲಿಂಗದಲ್ಲಿ ಸ್ನೇಹ ಮೋಹವ ಬಲಿದು, ಲಿಂಗಪ್ರೇಮಿಯಾಗಿ,
ಲಿಂಗಭಾವದಲ್ಲಿ ತನ್ನ ಭಾವವ ಬಲಿದ ಬಳಿಕ
ಅನ್ಯವಿಷಯವ್ಯಾಪ್ತಿಯ
ವ್ಯವಹಾರದ ಭ್ರಾಂತಿಯಿಲ್ಲದಿರಬೇಕು ನೋಡಾ.
ಇದೇ ಏಕಚಿತ್ತಮನೋಭಾವಿಯ ಗುಣ;
ಇದೇ ಲಿಂಗಗ್ರಾಹಕನ ನಿರುತ.
ಲಿಂಗವ ಮುಟ್ಟಿ ಮತ್ತೇನನೂ ಮುಟ್ಟದ ನಿಃಕಳಂಕನ ನೋಡಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Gurumukhadinda paramaliṅgavu tanna karava sērida baḷika
ā liṅgadalli snēha mōhava balidu, liṅgaprēmiyāgi,
liṅgabhāvadalli tanna bhāvava balida baḷika
an'yaviṣayavyāptiya
vyavahārada bhrāntiyilladirabēku nōḍā.
Idē ēkacittamanōbhāviya guṇa;
idē liṅgagrāhakana niruta.
Liṅgava muṭṭi mattēnanū muṭṭada niḥkaḷaṅkana nōḍā,
mahāliṅgaguru śivasid'dhēśvara prabhuvē.
