ಇಹಲೋಕದಲ್ಲಿ ಲಿಂಗವ ಪೂಜಿಸಿ
ಪರಲೋಕದ ಪದವಿಯ ಬಯಸುವನಲ್ಲ ನೋಡಾ.
ಇಹಪರವನೊಳಕೊಂಡ ಪರಿಪೂರ್ಣಲಿಂಗವು
ತನ್ನ ಸರ್ವಾಂಗದಲ್ಲಿ ಸನ್ನಿಹಿತವಾಗಿರಲು
ಆ ಲಿಂಗದಲ್ಲಿ ತನ್ನಂಗವ ಬೆರಸಿ
ಆ ಶುದ್ಧ ಪರಮಾತ್ಮಲಿಂಗವೇ ಗೂಡಾಗಿಪ್ಪ
ಲಿಂಗನಿಷ್ಠನ ನೋಡಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Ihalōkadalli liṅgava pūjisi
paralōkada padaviya bayasuvanalla nōḍā.
Ihaparavanoḷakoṇḍa paripūrṇaliṅgavu
tanna sarvāṅgadalli sannihitavāgiralu
ā liṅgadalli tannaṅgava berasi
ā śud'dha paramātmaliṅgavē gūḍāgippa
liṅganiṣṭhana nōḍā,
mahāliṅgaguru śivasid'dhēśvara prabhuvē.
