ಶರನಿಧಿ ರತ್ನವ ಧರಿಸಿದ್ದರೆ
ಆ ಮಹಾನದಿಗೆ ಒಂದು ಬಡತನ ಉಂಟೇ ಅಯ್ಯ?
ಮೇರುಗಿರಿಪರ್ವತ ಮೂಲಿಕೆಯ ಧರಿಸಿದ್ದರೆ
ಆ ಮೇರು ಗಿರಿಪರ್ವತಕೆ ಒಂದು ಬಡತನ ಉಂಟೇ ಅಯ್ಯ?
ಅನಾದಿಮಯ ಪರಿಪೂರ್ಣ ಲಿಂಗವು ಶರಣನಾಗಿ ಪ್ರವರ್ತಿಸಿತ್ತು.
ಏತಕ್ಕಯ್ಯ ಎಂದರೆ;
ತನ್ನ ಮಹಿಮಾಗುಣ ವೈಭವವ ಪ್ರಕಾಶಿಸ ತೋರಲಾಯಿತ್ತಯ್ಯ!
ಶರಣ ಲಿಂಗವೆಂಬ ಅಂತರವೆಲ್ಲಿಯದೊ?
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭು ತಾನೆ
ಶರಣ ಲಿಂಗವೆಂಬಾತ ಕಾಣಿರೊ.
Transliteration Śaranidhi ratnava dharisiddare
ā mahānadige ondu baḍatana uṇṭē ayya?
Mērugiriparvata mūlikeya dharisiddare
ā mēru giriparvatake ondu baḍatana uṇṭē ayya?
Anādimaya paripūrṇa liṅgavu śaraṇanāgi pravartisittu.
Ētakkayya endare;
tanna mahimāguṇa vaibhavava prakāśisa tōralāyittayya!
Śaraṇa liṅgavemba antaravelliyado?
Mahāliṅgaguru śivasid'dhēśvara prabhu tāne
śaraṇa liṅgavembāta kāṇiro.
