ಮುಖದಲ್ಲಿ ಮಂತ್ರ, ಹೃದಯದಲ್ಲಿ ಧ್ಯಾನ,
ಪ್ರಾಣದಲ್ಲಿ ಲಿಂಗ ನೆನಹು ಕರಿಗೊಂಡ
ಶಿವಾತ್ಮ ಶರಣನ ಹೃದಯವೆ
ಪರಮೇಶ್ವರಂಗೆ ನಿವಾಸಸ್ಥಾನ, ನೆರೆಮನೆಯಾಗಿಪ್ಪುದಯ್ಯ.
ಆ ಪರಮೇಶ್ವರನೊಳಗಣ ಸಮರಸ ಭಾವವೆ
ಆ ಶರಣಂಗೆ ನಿತ್ಯ ನೇಮ ಪೂಜೆಯಾಗಿಪ್ಪುದಯ್ಯ.
ಇದೇ ಪೂರ್ಣ ಶರಣಭಾವ.
ಅಲ್ಲಿಯೆ ಲಿಂಗಸಿದ್ಧಿ, ಘನಲಿಂಗ ಪದ ಸ್ಥಿತಿ. ಲಿಂಗಪೂಜೆ.
ಮತ್ತಲ್ಲಿಯೆ ನಿಶ್ಚಯವದೇ ಪರಮಾರ್ಥ.
ಇದಲ್ಲದೆ ಅನ್ಯವಪ್ಪೆಲ್ಲವು ಆತ್ಮ ಅದುಃಖ ಕಾಣಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Mukhadalli mantra, hr̥dayadalli dhyāna,
prāṇadalli liṅga nenahu karigoṇḍa
śivātma śaraṇana hr̥dayave
paramēśvaraṅge nivāsasthāna, neremaneyāgippudayya.
Ā paramēśvaranoḷagaṇa samarasa bhāvave
ā śaraṇaṅge nitya nēma pūjeyāgippudayya.
Idē pūrṇa śaraṇabhāva.
Alliye liṅgasid'dhi, ghanaliṅga pada sthiti. Liṅgapūje.
Mattalliye niścayavadē paramārtha.
Idallade an'yavappellavu ātma aduḥkha kāṇā,
mahāliṅgaguru śivasid'dhēśvara prabhuvē.
