ನಾದ, ಬಿಂದು, ಕಳಾ ಭೇದವ ತಿಳಿದಲ್ಲದೆ
ಆರಕ್ಷರವಾದ ತೆರನನರಿಯಬಾರದು.
ಆರಕ್ಷರಕ್ಕೆ ಮೂಲಪ್ರಣವವ ತಿಳಿದಲ್ಲದೆ
ನಾದ ತಲೆದೋರದು.
ನಾದ ಬೆಳಗಿನ ಕಳೆಯ ನೋಡಿ ಕಂಡಲ್ಲದೆ
ರಾಜ ಶಿವಯೋಗಿಯಾಗಬಾರದು.
ರಾಜ ಶಿವಯೋಗಿವೆಂಬುದು
ಆದಿಯಲ್ಲಿ ಶಿವಬೀಜವಾದ
ಮಹಾಮಹಿಮನಿಗೆ ಸಾಧ್ಯವಪ್ಪುದಲ್ಲದೆ
ತ್ರೈಜಗದಲಾರಿಗೂ ಅಸಾಧ್ಯ ನೋಡಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Nāda, bindu, kaḷā bhēdava tiḷidallade
ārakṣaravāda terananariyabāradu.
Ārakṣarakke mūlapraṇavava tiḷidallade
nāda taledōradu.
Nāda beḷagina kaḷeya nōḍi kaṇḍallade
rāja śivayōgiyāgabāradu.
Rāja śivayōgivembudu
ādiyalli śivabījavāda
mahāmahimanige sādhyavappudallade
traijagadalārigū asādhya nōḍā,
mahāliṅgaguru śivasid'dhēśvara prabhuvē.
