ನೂಲೆಳೆಯ ತೋರದ ಪಶುವಿಂಗೆ
ಮೇರುವೆಯ ತೋರ ಕೆಚ್ಚಲು ನೋಡಾ ಅಯ್ಯ.
ಅದಕ್ಕೆ ಕೋಡೆರಡಿಲ್ಲ ನೋಡಾ.
ಅದು ಮೊಲೆಗೊಕ್ಕುಳಹಾಲ ಕರೆವುದು.
ಕರೆವಾತಗೆ ಕೈಯಿಲ್ಲ;
ಕುಡಿವಾತಗೆ ಬಾಯಿಲ್ಲ ನೋಡಾ.
ಕೈಯಿಲ್ಲದೆ ಕರೆದು ಬಾಯಿಲ್ಲದೆ ಉಂಡು
ತೃಪ್ತಿಯಿಲ್ಲದೆ ಪರಿಣಾಮಿಸಬಲ್ಲಾತನಲ್ಲದೆ
ಶಿವಶರಣನಲ್ಲ ಕಾಣಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Nūleḷeya tōrada paśuviṅge
mēruveya tōra keccalu nōḍā ayya.
Adakke kōḍeraḍilla nōḍā.
Adu molegokkuḷahāla karevudu.
Karevātage kaiyilla;
kuḍivātage bāyilla nōḍā.
Kaiyillade karedu bāyillade uṇḍu
tr̥ptiyillade pariṇāmisaballātanallade
śivaśaraṇanalla kāṇā,
mahāliṅgaguru śivasid'dhēśvara prabhuvē.
