ಭಕ್ತಂಗೆ ಹಸ್ತವಾವುದು, ಮಾಹೇಶ್ವರಂಗೆ ಹಸ್ತವಾವುದು,
ಪ್ರಸಾದಿಗೆ ಹಸ್ತವಾವುದು, ಪ್ರಾಣಲಿಂಗಿಗೆ ಹಸ್ತವಾವುದು,
ಶರಣಂಗೆ ಹಸ್ತವಾವುದು, ಐಕ್ಯಂಗೆ ಹಸ್ತವಾವುದು ಎಂದರೆ,
ಈ ಹಸ್ತಂಗಳ ಭೇದವ ಹೇಳಿಹೆನಯ್ಯ:
ಭಕ್ತಂಗೆ ಸುಚಿತ್ತವೇ ಹಸ್ತ.
ಮಾಹೇಶ್ವರಂಗೆ ಸುಬುದ್ಧಿಯೇ ಹಸ್ತ.
ಪ್ರಸಾದಿಗೆ ನಿರಹಂಕಾರವೆ ಹಸ್ತ.
ಪ್ರಾಣಲಿಂಗಿಗೆ ಸುಮನವೆ ಹಸ್ತ.
ಶರಣಂಗೆ ಸುಜ್ಞಾನವೆ ಹಸ್ತ
ಐಕ್ಯಂಗೆ ಸದ್ಭಾವವೆ ಹಸ್ತ.
ಇಂತಿ ಹಸ್ತಂಗಳ ಭೇದವ ತಿಳಿವುದಯ್ಯ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Bhaktaṅge hastavāvudu, māhēśvaraṅge hastavāvudu,
prasādige hastavāvudu, prāṇaliṅgige hastavāvudu,
śaraṇaṅge hastavāvudu, aikyaṅge hastavāvudu endare,
ī hastaṅgaḷa bhēdava hēḷihenayya:
Bhaktaṅge sucittavē hasta.
Māhēśvaraṅge subud'dhiyē hasta.
Prasādige nirahaṅkārave hasta.
Prāṇaliṅgige sumanave hasta.
Śaraṇaṅge sujñānave hasta
aikyaṅge sadbhāvave hasta.
Inti hastaṅgaḷa bhēdava tiḷivudayya,
mahāliṅgaguru śivasid'dhēśvara prabhuvē.
