ಆಕಾರವಿಲ್ಲದಾತಂಗೆ ಅಂಗವೆಂದೇಕೆ ಕಲ್ಪಿಸಿ ಹೇಳುವಿರಿ?
ಅದು ಲಿಂಗಾನುಭಾವಿಗಳ ದೃಷ್ಟಿಯೆ? ಅಲ್ಲ. ಬಿಡಾ ಮರುಳೆ.
ಮಮಕಾರವಿಲ್ಲದಾತಂಗೆ ಮಾನಿನಿಯರಿಬ್ಬರೆಂದೇನೋ?
ಮಾನಿನಿಯರಿಬ್ಬರಿಲ್ಲದಾತಂಗೆ
ಲೀಲಾ ಮಾಯಿಕದ ಸಂಸಾರದ ಕುರುಹೆಂದೇನೊ?
ನಾಮ ನಿರ್ನಾಮನಾದ ನಿರಾಲಂಬಿಗೆ
ನಾಮ ಸೀಮೆಯ ಕಲ್ಪಿಸಲುಂಟೆ?
ನಿಸ್ಸೀಮಂಗೆ ನಿರ್ವಿಕಲ್ಪಿತಂಗೆ ಕಲ್ಪಿತವುಂಟೆ?
ಕಲ್ಪಿತಕ್ಕೆ ತಂದು ಸತಿ ಸುತ ಸಂಸಾರವುಂಟೆಂಬ
ಹೂಸಿಗರ ಮಾತ ಕೇಳಲಾಗದು ಕಾಣಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Ākāravilladātaṅge aṅgavendēke kalpisi hēḷuviri?
Adu liṅgānubhāvigaḷa dr̥ṣṭiye? Alla. Biḍā maruḷe.
Mamakāravilladātaṅge māniniyaribbarendēnō?
Māniniyaribbarilladātaṅge
līlā māyikada sansārada kuruhendēno?
Nāma nirnāmanāda nirālambige
nāma sīmeya kalpisaluṇṭe?
Nis'sīmaṅge nirvikalpitaṅge kalpitavuṇṭe?
Kalpitakke tandu sati suta sansāravuṇṭemba
hūsigara māta kēḷalāgadu kāṇā,
mahāliṅgaguru śivasid'dhēśvara prabhuvē.
