ತತ್ವಾತತ್ವವೆಂಬ ಮಿಥ್ಯಾ ಛಾಯೆಯಿಲ್ಲದ
ಬಚ್ಚಬರಿಯ ಬಯಲ ಬಣ್ಣ ಶೃಂಗರಿಸಿ
ಪರತತ್ವವಾಯಿತ್ತು ನೋಡಾ.
ಆ ಪರತತ್ವ ತನ್ನ ಶಕ್ತಿ ಸಾಮಥ್ರ್ಯದಿಂದ ವಿಭಜಿಸಿ
ಅಂಗ ಲಿಂಗವಾಯಿತ್ತು ನೋಡಾ.
ಅಂಗವೆಂದರೆ ಶರೀರ; ಲಿಂಗವೆಂದರೆ ಪ್ರಾಣ.
ಇದು ಕಾರಣ ಶರಣ ಲಿಂಗಕ್ಕೆ ಭಿನ್ನವೆಲ್ಲಿಯದು?
ಭೇದವೆಲ್ಲಿಯದು ಬಿಡಾ ಮರುಳೆ.
ಶರಣನೇ ಲಿಂಗವೆಂಬುದು ಸತ್ಯ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Tatvātatvavemba mithyā chāyeyillada
baccabariya bayala baṇṇa śr̥ṅgarisi
paratatvavāyittu nōḍā.
Ā paratatva tanna śakti sāmathryadinda vibhajisi
aṅga liṅgavāyittu nōḍā.
Aṅgavendare śarīra; liṅgavendare prāṇa.
Idu kāraṇa śaraṇa liṅgakke bhinnavelliyadu?
Bhēdavelliyadu biḍā maruḷe.
Śaraṇanē liṅgavembudu satya,
mahāliṅgaguru śivasid'dhēśvara prabhuvē.
