ಆದಿ ಪರಶಿವ ಬಿಂದುವಿನಿಂದ ಮಾದೇವಿ ಹುಟ್ಟಿ
ತ್ರೈಜಗದ ಜನನಿ ನೋಡಾ.
ಆಕೆ ಜಾತಿ ವರ್ಣಾಶ್ರಮ ಕುಲ ಗೋತ್ರ
ನಾಮ ಸೀಮೆಯ ಕೂಡಿಕೊಂಡಿಪ್ಪ ಭ್ರಾಂತು ಲಕ್ಷಣೆ ನೋಡಾ.
ಆಕೆಯ ಬಲೆಯಲ್ಲಿ ಲೋಕಾಧಿಲೋಕಂಗಳೆಲ್ಲವೂ ಸಿಕ್ಕಿ, ಏಕಾಗಿ,
ಆಕೆಯ ಒಡನೆ ಹುಟ್ಟಿ ಒಡನೆ ಬೆಳೆದು
ಆಕೆಯ ಒಡನೆ ಲಯವಾಗುತಿಪ್ಪವು.
ಆಕೆ ಉಂಟಾಗಿ ಲೋಕಾಧಿಲೋಕಂಗಳ ತೋರಿಕೆ.
ಆಕೆ ಲಯವಾದಲ್ಲಿಯೆ
ಲೋಕಾಧಿಲೋಕಂಗಳೆಲ್ಲವು ಲಯ ನೋಡಾ.
ಆಕೆಯ ಕೈ ಕಾಲ ಕಡಿದು, ಮೊಲೆ ಮೂಗನುತ್ತರಿಸಿ
ಆಕೆಯ ವಿಕಾರಸಂಗವನಳಿದು ಆದಿ ಪರಶಿವಬಿಂದುವನೆಯ್ದಬಲ್ಲರೆ
ಆತನು ಲೋಕಾಧಿಲೋಕಂಗಳ ಪ್ರಪಂಚುವ ಗೆಲಿದ
ನಿಃಪ್ರಪಂಚಿ ಮಾಹೇಶ್ವರನು ನೋಡಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Ādi paraśiva binduvininda mādēvi huṭṭi
traijagada janani nōḍā.
Āke jāti varṇāśrama kula gōtra
nāma sīmeya kūḍikoṇḍippa bhrāntu lakṣaṇe nōḍā.
Ākeya baleyalli lōkādhilōkaṅgaḷellavū sikki, ēkāgi,
ākeya oḍane huṭṭi oḍane beḷedu
ākeya oḍane layavāgutippavu.
Āke uṇṭāgi lōkādhilōkaṅgaḷa tōrike.
Āke layavādalliye
lōkādhilōkaṅgaḷellavu laya nōḍā.
Ākeya kai kāla kaḍidu, mole mūganuttarisi
ākeya vikārasaṅgavanaḷidu ādi paraśivabinduvaneydaballare
ātanu lōkādhilōkaṅgaḷa prapan̄cuva gelida
niḥprapan̄ci māhēśvaranu nōḍā,
mahāliṅgaguru śivasid'dhēśvara prabhuvē.
