ಆದಿಯಲ್ಲಿ ಹುಟ್ಟಿದಾತನು ಮೇದಿನಿಗಿಳಿದು
ತನ್ನಾದಿಯಂತುವ ಮರೆದು
ಮೇದಿನಿಯೆ ತಾನೆಂಬಂತಿಪ್ಪನು ನೋಡಾ.
ಆದಿಯಿಂದಗಲಿ ಭೇದವಾದಿಯಾಗಿ ಅವಿಚಾರಿಯಾದನು ನೋಡಾ.
ಮೇದಿನಿಯ ಹೃದಯದಲ್ಲಿ ನಾದಬ್ರಹ್ಮದ ಕಳೆ ಉದಯವಾಗಲು
ಮೇದಿನಿಯ ಗುಣ ಧರ್ಮ ಕರ್ಮ ವರ್ಣಾದಿ ದೇವತೆಗಳಳಿದು
ಆದಿಮಾಹೇಶ್ವರನೆಂದರಿದೆನು ಕಾಣಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Ādiyalli huṭṭidātanu mēdinigiḷidu
tannādiyantuva maredu
mēdiniye tānembantippanu nōḍā.
Ādiyindagali bhēdavādiyāgi avicāriyādanu nōḍā.
Mēdiniya hr̥dayadalli nādabrahmada kaḷe udayavāgalu
mēdiniya guṇa dharma karma varṇādi dēvategaḷaḷidu
ādimāhēśvaranendaridenu kāṇā,
mahāliṅgaguru śivasid'dhēśvara prabhuvē.
