ಇಷ್ಟಲಿಂಗಾರ್ಪಣವಾವುದು,
ಪ್ರಾಣಲಿಂಗಾರ್ಪಣವಾವುದು,
ಭಾವಲಿಂಗಾರ್ಪಣವಾವುದುಯೆಂದರೆ
ಹೇಳಿಯೆ ಕೇಳಿರಯ್ಯ.
ಇಷ್ಟಲಿಂಗಕ್ಕೆ ಶರೀರವೆ ಸಮರ್ಪಣ.
ಪ್ರಾಣಲಿಂಗಕ್ಕೆ ಮನವೆ ಸಮರ್ಪಣ.
ಭಾವಲಿಂಗಕ್ಕೆ ತೃಪ್ತಿಯೆ ಸಮರ್ಪಣ.
ಶರೀರವೆಂದರೆ ರೂಪು, ಮನವೆಂದರೆ ರುಚಿ,
ತೃಪ್ತಿಯೆಂದರೆ ಸಂತೋಷ.
ಈ ತೆರನನರಿದು ಲಿಂಗಕ್ಕೆ ಸಮರ್ಪಿಸಿ
ಪ್ರಸಾದವ ಭೋಗಿಸಬಲ್ಲಾತನೇ
ಶುದ್ಧಸಿದ್ಧಪ್ರಸಿದ್ಧ ಪ್ರಸಾದಿಯೆಂದು ಹೇಳಲ್ಪಟ್ಟಿತ್ತಯ್ಯಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Iṣṭaliṅgārpaṇavāvudu,
prāṇaliṅgārpaṇavāvudu,
bhāvaliṅgārpaṇavāvuduyendare
hēḷiye kēḷirayya.
Iṣṭaliṅgakke śarīrave samarpaṇa.
Prāṇaliṅgakke manave samarpaṇa.
Bhāvaliṅgakke tr̥ptiye samarpaṇa.
Śarīravendare rūpu, manavendare ruci,
tr̥ptiyendare santōṣa.
Ī terananaridu liṅgakke samarpisi
prasādava bhōgisaballātanē
śud'dhasid'dhaprasid'dha prasādiyendu hēḷalpaṭṭittayyā,
mahāliṅgaguru śivasid'dhēśvara prabhuvē.
