ಗುರುಮುಖದಿಂದ ಕೊಂಬುದು ಶುದ್ಧಪ್ರಸಾದ.
ಲಿಂಗಮುಖದಿಂದ ಕೊಂಬುದು ಸಿದ್ಧಪ್ರಸಾದ.
ಜಂಗಮಮುಖದಿಂದ ಕೊಂಬುದು ಪ್ರಸಿದ್ಧಪ್ರಸಾದ.
ಜ್ಞಾನಮುಖದಿಂದ ಕೊಂಬುದು ಮಹಾಪ್ರಸಾದ.
ಈ ನಾಲ್ಕು ತೆರದಲ್ಲಿ ಕೊಂಬುವುದು ಪ್ರಸಾದವಲ್ಲದೆ
ರಣದ ಬೀರರ ಹಾಂಗೆ ಬಾಚಿಸಿಕೊಂಡು
ಕೊಂಬಷ್ಟ ಕೊಂಡು, ಬಿಡುವಷ್ಟ ಬಿಟ್ಟು
ಸೂರೆಗೂಳಾಗಿ ಚೆಲ್ಲಿಯಾಡುವುದು ಇದಾವ ಪ್ರಸಾದ ಹೇಳ?
ಅದೆಂತೆಂದೊಡೆ:
ಅಣುಮಾತ್ರ ಪ್ರಸಾದಾನ್ನಂ ತ್ಯಕ್ತ್ವಾ ಭುಕ್ತಾನ್ನ ಕಿಲ್ಬಿಷಂ|
ಸ ಪಾಪೀ ನರಕಂ ಯಾತಿ ತದ್ಗೃಹಂ ನರಕಾಲಯಂ||
ಎಂದುದಾಗಿ ಬಹು ಜನಂಗಳು ಕಾರಿದ ಕೂಳ ಶ್ವಾನ ಭುಂಜಿಸಿ
ತನ್ನೊಡಲ ಹೊರೆದಂತಾಯಿತ್ತು ಕಾಣಾ ವಿಶ್ವಾಸವಿಲ್ಲದ ಪ್ರಸಾದ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Gurumukhadinda kombudu śud'dhaprasāda.
Liṅgamukhadinda kombudu sid'dhaprasāda.
Jaṅgamamukhadinda kombudu prasid'dhaprasāda.
Jñānamukhadinda kombudu mahāprasāda.
Ī nālku teradalli kombuvudu prasādavallade
raṇada bīrara hāṅge bācisikoṇḍu
kombaṣṭa koṇḍu, biḍuvaṣṭa biṭṭu
sūregūḷāgi celliyāḍuvudu idāva prasāda hēḷa?
Adentendoḍe:
Aṇumātra prasādānnaṁ tyaktvā bhuktānna kilbiṣaṁ|
sa pāpī narakaṁ yāti tadgr̥haṁ narakālayaṁ||
endudāgi bahu janaṅgaḷu kārida kūḷa śvāna bhun̄jisi
tannoḍala horedantāyittu kāṇā viśvāsavillada prasāda,
mahāliṅgaguru śivasid'dhēśvara prabhuvē.
