ಆಜ್ಞಾಕರ್ತೃವಿನ ಅಂಗನೆಗೆ
ಮೋಹದ ಮಗಳು ಹುಟ್ಟಿದಳು ನೋಡಾ.
ಆಕೆಯ ವಿಲಾಸದಿಂದ ಲೋಕಾದಿಲೋಕಂಗಳೆಲ್ಲ
ಉದಯಿಸಿದವು ನೋಡಾ.
ಆಯಾಕೆ ನಿಂದಲ್ಲೆ ಪ್ರಳಯವಾಗುತ್ತಿಪ್ಪವು ನೋಡಾ.
ಆ ಲೋಕ ಲೌಕಿಕವನತಿಗಳೆದು,
ಆಕೆಯ ಸಂಗಕ್ಕೆ ಹೊರಗಾದಾತನೇ,
ಏಕಮೇವಾ ನ ದ್ವಿತೀಯ ಪರಬ್ರಹ್ಮವು.
ತಾನು ತಾನಾದ ಪ್ರಾಣಲಿಂಗೈಕ್ಯನಯ್ಯಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Ājñākartr̥vina aṅganege
mōhada magaḷu huṭṭidaḷu nōḍā.
Ākeya vilāsadinda lōkādilōkaṅgaḷella
udayisidavu nōḍā.
Āyāke nindalle praḷayavāguttippavu nōḍā.
Ā lōka laukikavanatigaḷedu,
ākeya saṅgakke horagādātanē,
ēkamēvā na dvitīya parabrahmavu.
Tānu tānāda prāṇaliṅgaikyanayyā,
mahāliṅgaguru śivasid'dhēśvara prabhuvē.
