ಪಿಂಡ ಪಿಂಡವೆಂದೇನು? ತನು ಪಿಂಡವೆ? ಮನ ಪಿಂಡವೆ?
ವಾಯು ಪಿಂಡವೆ? ಅಲ್ಲ:
ಆದಿ ಪಿಂಡವಿಡಿದು ಬಂದ ಜ್ಞಾನಪಿಂಡವೆ ಪಿಂಡ.
ಅದನರಿಯಲಿಲ್ಲ.
ಅದು ಕ್ಷೀರದೊಳಗಣ ಆಜ್ಯದಂತೆ.
ಪಾಷಾಣದೊಳಗಣ ಪಾವಕದಂತೆ ಅಡಗಿರ್ಪುದಾಗಿ.
ಅಂತಪ್ಪ ನಿರ್ಮಲ ಪಿಂಡ ನಿಮ್ಮ ಶರಣಂಗಾಯಿತ್ತು,
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರ.
Transliteration Piṇḍa piṇḍavendēnu?
Tanu piṇḍave? Mana piṇḍave? Vāyu piṇḍave? Alla:
Ādi piṇḍaviḍidu banda jñānapiṇḍave piṇḍa.
Adanariyalilla.
Adu kṣīradoḷagaṇa ajyadante.
Pāṣāṇadoḷagaṇa pāvakadante aḍagirpudāgi.
Antappa nirmala piṇḍa nim'ma śaraṇaṅgāyittu,
nijaguru svatantrasid'dhaliṅgēśvara.
