ಆವ ವೇಷವ ಧರಿಸಿದಡೇನು?
ದೇಹವೆಂಬ ಹುತ್ತಿನಲ್ಲಿ, ಹುಸಿ ಎಂಬ ಸರ್ಪ,
ಸಜ್ಜನರನಟ್ಟಿ ಕಡಿದಡೆ,
ವಿಷದ ಮೂರ್ಛೆಯಿಂದ ಬಳಲುತ್ತಿರ್ದರಯ್ಯ ಸಜ್ಜನರು.
ಶಿವಜ್ಞಾನವೆಂಬ ನಿರ್ವಿಷವ ಕೊಂಡು,
ಓಂನಮಃಶಿವಾಯ ಎಂಬ ಮಂತ್ರವ ಜಪಿಸಿ,
ವಿಷವಂ ಪರಿಹರಿಸಿಕೊಂಡರಯ್ಯ.
ಸರ್ಪ ಕಚ್ಚಿ ಏರಿ ಬಾಯಲ್ಲಿ ಹೋಯಿತೆಂಬಂತೆ,
ನಿಂದಕರಿಗೆ ನಿಂದಿಸಿತೆ ಬಂದಿತ್ತಲ್ಲದೆ, ಅಲ್ಲಿ ತಮಗೊಂದಾಗಿಲ್ಲ.
ಸಜ್ಜನರು ನೊಂದ ನೋವು ಸುಮ್ಮನೆ ಹೋಹುದೆ,
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರ,
ಅವರಲ್ಲಿ ನೀವಿಪ್ಪಿರಾಗಿ?.
Transliteration Āva vēṣava dharisidaḍēnu?
Dēhavemba huttinalli, husi emba sarpa,
sajjanaranaṭṭi kaḍidaḍe,
viṣada mūrcheyinda baḷaluttirdarayya sajjanaru.
Śivajñānavemba nirviṣava koṇḍu,
ōnnamaḥśivāya emba mantrava japisi,
viṣavaṁ pariharisikoṇḍarayya.
Sarpa kacci ēri bāyalli hōyitembante,
nindakarige nindisite bandittallade, alli tamagondāgilla.
Sajjanaru nonda nōvu sum'mane hōhude,
nijaguru svatantrasid'dhaliṅgēśvara,
avaralli nīvippirāgi?.
