ನಿಚ್ಚ ಸಾವಿರ ನೋಂಪಿಯ ನೋಂತು,
ಒಂದು ದಿನ ಹಾದರವನಾಡಿದರೆ,
ಆ ನೋಂಪಿಯು ತನಗೆ ಫಲಿಸುವುದೇ ಅಯ್ಯ?
ಹಲವು ಕಾಲ ಗುರು ಲಿಂಗ ಜಂಗಮವನರ್ಚಿಸಿ ಆರಾಧಿಸುತ್ತ,
ಒಮ್ಮೆಯಾದರು ದೂಷಣೆಯ ಮಾಡಿದಡೆ,
ಆ ಪೂಜಾಫಲ ತಮಗೆ ಸಿದ್ಧಿಸುವುದೆ? ಸಿದ್ಧಿಸದಾಗಿ.
ಅನೇಕ ಆಯಾಸದಲ್ಲಿ ಗಳಿಸಿದ ಧನವ,
ನಿಮಿಷದಲ್ಲಿ ಅರಸು ದಂಡವ ಕೊಂಡಂತಾಯಿತ್ತು ಇವರ ಭಕ್ತಿ,
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರ
ನಿಮ್ಮ ಒಲವಿಲ್ಲದ ಕಾರಣ.
Transliteration Nicca sāvira nōmpiya nōntu,
ondu dina hādaravanāḍidare,
ā nōmpiyu tanage phalisuvudē ayya?
Halavu kāla guru liṅga jaṅgamavanarcisi ārādhisutta,
om'meyādaru dūṣaṇeya māḍidaḍe,
ā pūjāphala tamage sid'dhisuvude? Sid'dhisadāgi.
Anēka āyāsadalli gaḷisida dhanava,
nimiṣadalli arasu daṇḍava koṇḍantāyittu ivara bhakti,
nijaguru svatantrasid'dhaliṅgēśvara
nim'ma olavillada kāraṇa.
