ನಿಚ್ಚ ನಿಚ್ಚ ಲಿಂಗಪೂಜೆಯ ಮಾಡಿ,
ನಿಚ್ಚ ನಿಚ್ಚ ಜಂಗಮಕ್ಕೆ ಶರಣೆಂದು,
ಜಂಗಮ ಪೂಜೆಯ ಮಾಡಿ,
ನಿಚ್ಚ ನಿಚ್ಚ ಪಾದೋದಕ ಪ್ರಸಾದವ ಕೊಂಡು,
ಮತ್ತೆ, ಆ ಜಂಗಮವ ಧಿಕ್ಕರಿಸಿ ನುಡಿದು,
ಹುಸಿಯಟಮಟವನಾರೋಪಿಸಿ,
ಜಂಗಮದ ಕೈಗೆ, ನಾಲಗೆಗೆ ಶಿಕ್ಷೆಯ ಮಾಡಬೇಕೆಂಬವರಿಗೆ
ಗುರುವುಂಟೆ? ಲಿಂಗವುಂಟೆ? ಜಂಗಮವುಂಟೆ?
ಪಾದೋದಕ ಪ್ರಸಾದವುಂಟೆ? ಇಲ್ಲವಾಗಿ.
ಅವರಿಗೆ ಪೂಜಾಫಲ ಮುನ್ನವೆ ಇಲ್ಲವಯ್ಯಾ,
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರ.
Transliteration Nicca nicca liṅgapūjeya māḍi,
nicca nicca jaṅgamakke śaraṇendu,
jaṅgama pūjeya māḍi,
nicca nicca pādōdaka prasādava koṇḍu,
matte, ā jaṅgamava dhikkarisi nuḍidu,
husiyaṭamaṭavanārōpisi,
jaṅgamada kaige, nālagege śikṣeya māḍabēkembavarige
guruvuṇṭe? Liṅgavuṇṭe? Jaṅgamavuṇṭe?
Pādōdaka prasādavuṇṭe? Illavāgi.
Avarige pūjāphala munnave illavayyā,
nijaguru svatantrasid'dhaliṅgēśvara.
