ದೇವಾ, ನಿನ್ನ ಭಕ್ತನು ಶ್ರೋತ್ರಮುಖದಲ್ಲಿ
ಶಬ್ದ ಪದಾರ್ಥವ ನಿನಗೆ ಕೊಡುವನು.
ಆತಂಗೆ ನೀನು ಶಬ್ದಪ್ರಸಾದವ ಕೊಡುವೆ.
ತನ್ನ ತ್ವಕ್ಕಿನ ಮುಖದಲ್ಲಿ ಸ್ಪರ್ಶನಪದಾರ್ಥವ ನಿನಗೆ ಕೊಡುವನು.
ಆತಂಗೆ ನೀನು ಸ್ಪರ್ಶನ ಪ್ರಸಾದವ ಕೊಡುವೆ.
ನೇತ್ರಮುಖದಲ್ಲಿ ರೂಪುಪದಾರ್ಥವ ನಿನಗೆ ಕೊಡುವನು.
ಆತಂಗೆ ನೀನು ರೂಪುಪ್ರಸಾದವ ಕೊಡುವೆ.
ಜಿಹ್ವೆಯ ಮುಖದಲ್ಲಿ ರಸಪದಾರ್ಥವ ನಿನಗೆ ಕೊಡುವನು.
ಆತಂಗೆ ನೀನು ರುಚಿಪ್ರಸಾದವ ಕೊಡುವೆ.
ಘ್ರಾಣಮುಖದಲ್ಲಿ ಗಂಧಪದಾರ್ಥವ ನಿನಗೆ ಕೊಡುವನು.
ಆತಂಗೆ ನೀನು ಗಂಧಪ್ರಸಾದವ ಕೊಡುವೆ.
ಇಂತು ಭಕ್ತ ನಿನಗೆ ಸರ್ವಪದಾರ್ಥವ ಕೊಟ್ಟರೆ
ನೀನು ಪ್ರಸಾದವ ಕೊಡುವೆ.
``ಭಕ್ತಕಾಯಃ ಮಮ ಕಾಯಃ" ವೆಂಬ ನಿನ್ನ ವಚನ ದಿಟವಾಗೆ,
ನೀನು ಪ್ರಸಾದಿಯನರಿದು ಸಲಹುತ್ತಿಪ್ಪೆ,
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರ.
Transliteration Dēvā, ninna bhaktanu śrōtramukhadalli
śabda padārthava ninage koḍuvanu.
Ātaṅge nīnu śabdaprasādava koḍuve.
Tanna tvakkina mukhadalli sparśanapadārthava ninage koḍuvanu.
Ātaṅge nīnu sparśana prasādava koḍuve.
Nētramukhadalli rūpupadārthava ninage koḍuvanu.
Ātaṅge nīnu rūpuprasādava koḍuve.
Jihveya mukhadalli rasapadārthava ninage koḍuvanu.
Ātaṅge nīnu ruciprasādava koḍuve.
Ghrāṇamukhadalli gandhapadārthava ninage koḍuvanu.
Ātaṅge nīnu gandhaprasādava koḍuve.
Intu bhakta ninage sarvapadārthava koṭṭare
nīnu prasādava koḍuve.
``Bhaktakāyaḥ mama kāyaḥ vemba ninna vacana diṭavāge,
nīnu prasādiyanaridu salahuttippe,
nijaguru svatantrasid'dhaliṅgēśvara.
