ಏಳುನೆಲೆಯಲ್ಲಿ ಹೂಳಿದ ನಿಧಾನವ ಸಾಧಿಸಹೋದರೆ
ಸಾಧಕನನದು ನುಂಗಿತ್ತು ನೋಡಾ.
ಸಾಧಿಸಹೋದ ಕಲಿಗಳೆಲ್ಲಾ ನಿಧಾನವ ಸಾಧಿಸಹೋಗಿ
ತಾವೆ ನಿಧಾನಕ್ಕೆ ಬಲಿಯಾದರು.
ಬಲ್ಲಿದರೆಲ್ಲರ ನುಂಗಿ, ಬಡವರನುಳುಹಿತ್ತು.
ಇಂತಪ್ಪ ನಿಧಾನವ ಕಂಡರಿಯೆವು, ಕೇಳಿ ಅರಿಯೆವು ಎಂದು
ಸಾಧಕನೊಡನಿದ್ದ ಸಾಹಸಿಗಳೆಲ್ಲಾ ಬೆರಗಾಗಿ ನಿಂದರು.
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರನೆಂಬ ನಿಧಾನವ ಸಾಧಿಸಿ
ನಾನು ಬದುಕಿದೆನು.
Transliteration Ēḷuneleyalli hūḷida nidhānava sādhisahōdare
sādhakananadu nuṅgittu nōḍā.
Sādhisahōda kaligaḷellā nidhānava sādhisahōgi
tāve nidhānakke baliyādaru.
Ballidarellara nuṅgi, baḍavaranuḷuhittu.
Intappa nidhānava kaṇḍariyevu, kēḷi ariyevu endu
sādhakanoḍanidda sāhasigaḷellā beragāgi nindaru.
Nijaguru svatantrasid'dhaliṅgēśvaranemba nidhānava sādhisi
nānu badukidenu.
