ಆಧಾರ ಸ್ವಾಧಿಷ್ಠಾನ ಮಣಿಪೂರಕ ಅನಾಹತ
ವಿಶುದ್ಧಿ ಅಜ್ಞೇಯವೆಂಬಷಡಾಧಾರ ಚಕ್ರಂಗಳಲ್ಲಿ
ವರ್ಣ ದಳ ಅಕ್ಷರ ಅಧಿದೇವತೆಯರಲ್ಲಿ ಕೂಡಿ ತೋರುವ ವಸ್ತು
ಒಂದಲ್ಲದೆ ಹಲವುಂಟೆ?
ಚಕ್ರಚಕ್ರದಲ್ಲಿ ಲೆಕ್ಕಕ್ಕೆ ಒಳಗಾಗಿ, ನಾಮರೂಪಿಗೆ ಬಂದುಸಿಕ್ಕಿದೆಯಲ್ಲ!
ಯೋಗಿಗಳ ಮನದಲ್ಲಿ ಲಕ್ಷ್ಯವಿಲ್ಲದ ನಿರ್ಲಕ್ಷ್ಯನೀನು
ಲಕ್ಷ್ಯಕ್ಕೆ ಬಂದ ಪರಿಯೇನು ಹೇಳ?
ಕಾಣಬಾರದ ವಸ್ತುವ ಕಾಣಿಸಿ ಹಿಡಿದರು ಶರಣರು.
ಭೇದಿಸಬಾರದ ವಸ್ತುವ ಭೇದಿಸಿ ಕಂಡರು.
ಸಾಧಿಸಬಾರದ ವಸ್ತುವ ಸಾಧಿಸಿ ಕಂಡರು,
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರಾ ನಿಮ್ಮ ಶರಣರು.
Transliteration Ādhāra svādhiṣṭhāna maṇipūraka anāhata
viśud'dhi ajñēyavembaṣaḍādhāra cakraṅgaḷalli
varṇa daḷa akṣara adhidēvateyaralli kūḍi tōruva vastu
ondallade halavuṇṭe?
Cakracakradalli lekkakke oḷagāgi, nāmarūpige bandusikkideyalla!
Yōgigaḷa manadalli lakṣyavillada nirlakṣyanīnu
lakṣyakke banda pariyēnu hēḷa?
Kāṇabārada vastuva kāṇisi hiḍidaru śaraṇaru.
Bhēdisabārada vastuva bhēdisi kaṇḍaru.
Sādhisabārada vastuva sādhisi kaṇḍaru,
nijaguru svatantrasid'dhaliṅgēśvarā nim'ma śaraṇaru.
