ಆಡಿನ ಕೋಡಗದ ಕೂಟದ ಸಂಚದ ಕೀಲ ಕಳೆದು
ಆಡಿನ ಕೋಡ ಮುರಿದಡೆ ಕೋಡಗ ಕೊಂಬನೇರಿತ್ತು.
ಆ ಕೊಂಬಿನ ಕೋಡಗದ ಕೈಯಲ್ಲಿ ಮಾಣಿಕವ ಕೊಟ್ಟರೆ
ಮಾಣಿಕ ಕೋಡಗವ ನುಂಗಿತ್ತು.
ಬಳಿಕ ಆಡು ಮಾಣಿಕವ ನುಂಗಿ, ತಾನೊಂದೆಯಾಯಿತ್ತು.
ಈ ಪರಿ ಆಡು ಕೋಡಗದ ಸಂಗವ ಹಿಂಗಿಸಿ,
ನಿಜವ ಕೂಡಬಲ್ಲಾತನೆ
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರನಲ್ಲಿ ಸಹಜಯೋಗಿ.
Transliteration Āḍina kōḍagada kūṭada san̄cada kīla kaḷedu
āḍina kōḍa muridaḍe kōḍaga kombanērittu.
Ā kombina kōḍagada kaiyalli māṇikava koṭṭare
māṇika kōḍagava nuṅgittu.
Baḷika āḍu māṇikava nuṅgi, tānondeyāyittu.
Ī pari āḍu kōḍagada saṅgava hiṅgisi,
nijava kūḍaballātane
nijaguru svatantrasid'dhaliṅgēśvaranalli sahajayōgi.
