ಓಂ ವಿಶ್ವ ನಿರಾಕಾರ ನಿರನಯನಿರ್ವಿಕಾರ
ಅವಗತವಾಗ್ಮನವಾಗತ ಆಕಾಶ ಸಭಾಮೂರ್ತಿ
ನಿರಾಕಾರವೆಂಬ ನಿಜಲಿಂಗವಪ್ಪ
ಪರಶಿವಾನಂದ ಮೂರ್ತಿ
ತನ್ನೊಳು ತ್ರಿಗುಣಾತ್ಮಕನಾಗಿಹ.
ಅದೆಂತೆಂದಡೆ:
ಶಿವ ಸದಾಶಿವ ಮಹೇಶ್ವರನೆಂದು ಪರಶಿವನ
ತ್ರಿಗುಣಾತ್ಮಕ ಭೇದಂಗಳು,
ಇಂತಪ್ಪ ಪರಶಿವನು ವಿಶ್ವದುತ್ಪತ್ಯಕಾರಣನಾಗಿ
ಪಂಚಸಾದಾಖ್ಯ ರೂಪಗಳಂ
ಪ್ರತ್ಯೇಕ ತ್ರಿಗುಣಾತ್ಮಕರಾಗಿ
ಜ್ಯೋತಿಯಿಂ ಪೊತ್ತಿಸಲಾಪುದು.
ಘನವಾವುದು ಉಪಮಿಸಬಾರದ ಮಹಾಘನದಂತೆ
ಆ ಮಹಾಬೆಳಗು ತನ್ನೊಳೈದು ರೂಪಾಯಿತ್ತು.
ಅದೆಂತೆಂದಡೆ:
ಶಿವ ಅಮೂರ್ತಿ ಮೂರ್ತಿ ಕರ್ತೃ ಕರ್ಮರೆಂಬ
ಪಂಚಬ್ರಹ್ಮ ಹುಟ್ಟಿದವು;
ಅದಕೈವರು ಶಕ್ತಿಯರುದಯಿಸಿದರು,
ಅವರ ನಾಮಂಗಳು:
ಪರಾಶಕ್ತಿ, ಆದಿಶಕ್ತಿ, ಇಚ್ಛಾಶಕ್ತಿ ಜ್ಞಾನಶಕ್ತಿ ಕ್ರಿಯಾಶಕ್ತಿ.
ಇಂತಿಂತು ಐವರನು ಪಂಚಬ್ರಹ್ಮರಿಗೆ
ವಿವಾಹಂ ಮಾಡಿದೊಡಾ
ಶಿವಶಕ್ತಿ ಪಂಚಕದಿಂದೊಂದು
ಓಂಕಾರವೆಂಬ ಬೀಜವಂ ನಿರ್ಮಿಸಿದಡಾ
ಓಂಕಾರ ಬೀಜದಿಂದೊಂದು
ವಿರಾಟಸ್ವರೂಪಮಪ್ಪ
ಮಹಾಘನ ತೇಜೋಮಯವಪ್ಪ
ಅನಾದಿರುದ್ರಸಹಸ್ರಾಂಶುವಿಂಗೆ
ಸಾವಿರ ಶಿರ ಸಾವಿರ ನಯನ ಸಾವಿರ ದೇಹ
ಸಾವಿರಪಾದವುಳ್ಳ ಸ್ವಯಂಭುಮೂರ್ತಿ ಪುಟ್ಟಿದ.
ಆ ಸ್ವಯಂಭುಮೂರ್ತಿಯ ಮುಖದಲ್ಲಿ ಈಶ್ವರಪುಟ್ಟಿದ,
ಈಶ್ವರನ ವಾಮಭಾಗದಲ್ಲಿ ವಿಷ್ಣುಪುಟ್ಟಿದ.
ದಕ್ಷಿಣಭಾಗದಲ್ಲಿ ಬ್ರಹ್ಮಪುಟ್ಟಿದ.
ಇಂತು ತ್ರಿದೇವತೆಯರೊಳಗಗ್ರಜನಪ್ಪ
ಮಹಾಮಹಿಮ ಈಶ್ವರನ ಪಂಚಮುಖದಲ್ಲಿ
ಪಂಚಬ್ರಹ್ಮ ತೇಜೋಮಯ ರುದ್ರರು ಪುಟ್ಟಿದರು.
ಅವರ ನಾಮಂಗಳು:
ಸದ್ಯೋಜಾತ ವಾಮದೇವ ಅಘೋರ
ತತ್ಪುರುಷ ಈಶಾನ್ಯರೆಂದಿಂತು.
ಅವರೋಳ್ಸದ್ಯೋಜಾತನೆಂಬ ಅಗ್ರಜರುದ್ರ ಪುಟ್ಟಿದನು.
ಆ ಸದ್ಯೋಜಾತಂಗೆ ಮಹಾರುದ್ರ ಪುಟ್ಟಿದನು.
ಆ ಮಹಾರುದ್ರಂಗೆ ಶ್ರೀರುದ್ರ ಪುಟ್ಟಿದನು.
ಆ ಶ್ರೀರುದ್ರಂಗೆ ರುದ್ರ ಪುಟ್ಟಿದನು.
ಆ ರುದ್ರಂಗೆ ಅಗ್ನಿಯು ಅವಗತ ಪುಟ್ಟಿದವು.
ಆ ಅಗ್ನಿಗೆ ಕಾಶ್ಶಪಬ್ರಹ್ಮ ಪುಟ್ಟಿದನು.
ಅವಗತಕ್ಕೆ ಮಾಯಾಸ್ವಪ್ನಬ್ರಹ್ಮ ಪುಟ್ಟಿದನು.
ಅದೆಂತೆಂದಡೆ:
ಮಾಯವೆ ಮೃತ್ಯು, ಬ್ರಹ್ಮವೆ ಸತ್ಯ
ಅದು ಮಾಯಾಸಕವಪ್ನಬ್ರಹ್ಮವೆನಿಸಿತ್ತು.
ಇಂತಿಪ್ಪ ಬ್ರಹ್ಮವು ಮಾಯಾ ಅವಲಂಬಿಸಿಹುದಾಗಿ
ಅದು ಮಾಯಾಸಕವಪ್ಪಬ್ರಹ್ಮವೆನಿಸಿತ್ತು.
ಇಂತಪ್ಪ ಮಾಯಾ ಸಕವಪ್ಪಬ್ರಹ್ಮಂಗೆ
ತ್ರಯೋದಶಕುಮಾರಿಯರು ಪುಟ್ಟಿದರು.
ಅವರ ನಾಮಂಗಳು:
ಬೃಹತಿ, ಅದಿತಿ, ದಿತಿ, ವಿನುತಾದೇವಿ, ಕದ್ರು,
ಸುವರ್ಣಪ್ರಭೆ, ಕುಮುದಿನಿ, ಪ್ರಭಾದೇವಿ, ಕಾಳಿದಂಡಿ,
ಮೇಘದಂಡಿ, ದಾತೃಪ್ರಭೆ, ಕುಸುಮಾವತಿ, ಪಾರ್ವಂದಿನಿ-
ಎಂದಿಂತು ತ್ರಯೋದಶಕುಮಾರಿಯರು ಪುಟ್ಟಿದರು.
ಇದಕ್ಕೆ ಆದಿ ಪರಮೇಶ್ವರನು
ಸೃಷ್ಟಿ ನಿರ್ಮಿತ ಜಗದುತ್ಪತ್ಯ ಸ್ಥಿತಿ ಲಯಗಳಾಗಬೇಕೆಂದು,
ಆ ಕಾಶ್ಯಪಬ್ರಹ್ಮಗು ತ್ರಯೋದಶ ಸ್ತ್ರೀಯರಿಗೆಯು ವಿವಾಹವ ಮಾಡಿದನು.
ಆ ಕಾಶ್ಯಪಬ್ರಹ್ಮನ ಮೊದಲ ಸ್ತ್ರೀಯ ಪೆಸರು ಬೃಹತಿ.
ಆ ಬೃಹತಿಗೆ ಪುಟ್ಟಿದ ಮಕ್ಕಳ ಪೆಸರು ಹಿರಣ್ಯಕಾಂಕ್ಷ.
ಹಿರಣ್ಯಕಾಂಕ್ಷನ ಮಗ ಪ್ರಹರಾಜ,
ಪ್ರಹರಾಜ ಮಗ ಕುಂಭಿ,
ಆ ಕುಂಭಿಯ ಮಗ ನಿಃಕುಂಭಿ,
ನಿಃಕುಂಭಿಯ ಮಗ ದುಂದುಭಿ,
ಆ ದುಂದುಭಿಯ ಮಗ ಬಲಿ,
ಬಲಿಯ ಮಗ ಬಾಣಾಸುರ.
ಇಂತಿವರು ಮೊದಲಾದ
ಛಪ್ಪನ್ನಕೋಟಿ ರಾಕ್ಷಸರು ಪುಟ್ಟಿದರು.
ಎರಡನೆಯ ಸ್ತ್ರೀಯ ಪೆಸರು ಅದಿತಿ.
ಆ ಅದಿತಿಗೆ ಸೂರ್ಯ ಮೊದಲಾದ ಮೂವತ್ತುಕೋಟಿ
ದೇವರ್ಕಳು ದೇವಗಣ ಪುಟ್ಟಿದವು.
ಮೂರನೆಯ ಸ್ತ್ರೀಯ ಪೆಸರು ದಿತಿದೇವಿ.
ಆ ದಿತಿದೇವಿಗೆ ಕೂರ್ಮ ಮೊದಲಾದ
ಜಲಚರಂಗಳು ಪುಟ್ಟಿದವು.
ನಾಲ್ಕನೆಯ ಸ್ತ್ರೀಯ ಪೆಸರು ವಿನುತಾದೇವಿ.
ಆ ವಿನುತಾದೇವಿಗೆ ಸಿಡಿಲು, ಮಿಂಚು, ವರುಣ, ಗರುಡ
ಮೊದಲಾದ ಖಗಜಾತಿಗಳು ಪುಟ್ಟಿದವು.
ಐದನೆಯ ಸ್ತ್ರೀಯ ಪೆಸರು ಕದ್ರುದೇವಿ.
ಆ ಕದ್ರುವಿಗೆ ಶೇಷ, ಅನಂತ, ವಾಸುಗಿ, ಶಂಬವಾಳ,
ಕಕ್ಷರ, ಕರ್ಕೋಟ, ಕರಾಂಡ,
ಭುಜಂಗ, ಕುಳ್ಳಿಕ, ಅಲ್ಲಮಾಚಾರ್ಯ.
ಇಂತಿವು ಮೊದಲಾದ ನವಕುಲನಾಗಂಗಳು ಪುಟ್ಟಿದವು.
ಆರನೆಯ ಸ್ತ್ರೀಯ ಪೆಸರು ಸುವರ್ಣಪ್ರಭೆ.
ಆ ಸುವರ್ಣಪ್ರಭೆಗೆ ಚಂದ್ರ, ತಾರಾಗಣ,
ನಕ್ಷತ್ರಂಗಳು ಪುಟ್ಟಿದವು.
ಏಳನೆಯ ಸ್ತ್ರೀಯ ಪೆಸರು ಕುಮುದಿನಿ.
ಆ ಕುಮುದಿನಿಗೆ ಐರಾವತ, ಪುಂಡರೀಕ,
ಪುಷ್ಪದಂತ, ವಾಮನ, ಸುಪ್ರದೀಪ, ಅಂಜನ,
ಸಾರ್ವಭೌಮ, ಕುಮುದ, ಭಗದತ್ತ ಇಂತಿವು ಮೊದಲಾದ
ಮೃಗಕುಲಾದಿ ವ್ಯಾಘ್ರ ಶರಭ ಶಾರ್ದೂಲಂಗಳು ಪುಟ್ಟಿದವು.
ಎಂಟನೆಯ ಸ್ತ್ರೀಯ ಪೆಸರು ಪ್ರಭಾದೇವಿ.
ಆ ಪ್ರಭಾದೇವಿಗೆ ಕನಕಗಿರಿ, ರಜತಗಿರಿ, ಸೇನಗಿರಿ,
ನೀಲಗಿರಿ, ನಿಷಧಗಿರಿ, ಮೇರುಗಿರಿ, ಮಾನಸಗಿರಿ
ಇಂತಿವು ಮೊದಲಾದ ಪರ್ವತಂಗಳು ಪುಟ್ಟಿದವು.
ಒಂಬತ್ತನೆಯ ಸ್ತ್ರೀಯ ಪೆಸರು ಕಾಳಿದಂಡಿ.
ಆ ಕಾಳಿದಂಡಿಗೆ ಸಪ್ತಋಷಿಯರು ಮೊದಲಾದ
ಅಷ್ಟಾಸೀತಿ ಸಹಸ್ರ ಋಷಿಯರು ಪುಟ್ಟಿದರು.
ಹತ್ತನೆಯ ಸ್ತ್ರೀಯ ಪೆಸರು ಮೇಘದಂಡಿ.
ಆ ಮೇಘದಂಡಿಗೆ ನೀಲಮೇಘ, ಕುಂಭಮೇಘ,
ದ್ರೋಣಮೇಘ, ಧೂಮಮೇಘ,
ಕಾರ್ಮೇಘ ಇಂತಿವು ಮೊದಲಾದ
ಮೇಘಂಗಳು ಪುಟ್ಟಿದವು.
ಹನ್ನೊಂದನೆಯ ಸ್ತ್ರೀಯ ಪೆಸರು ದಾತೃಪ್ರಭೆ.
ಆ ದಾತೃಪ್ರಭೆಗೆ ಚಿಂತಾಮಣಿ ಮೊದಲಾದ
ನವರತ್ನಂಗಳು ಪುಟ್ಟಿದವು.
ಹನ್ನೆರಡನೆಯ ಸ್ತ್ರೀಯ ಪೆಸರು ಕುಸುಮಾವತಿ.
ಆ ಕುಸುಮಾವತಿಗೆ ಕಾಮಧೇನು, ಕಲ್ಪವೃಕ್ಷಂಗಳು ಪುಟ್ಟಿದವು.
ಹದಿಮೂರನೆಯ ಸ್ತ್ರೀಯ ಪೆಸರು ಪಾರ್ವಂದಿನಿ.
ಆ ಪಾರ್ವಂದಿನಿಗೆ ಅಷ್ಟದಿಕ್ಪಾಲಕರು ಪುಟ್ಟಿದರು.
ಇಂತಿವರುಗಳ ರಜಸ್ಸೀಲಾಶೋಣಿತದಿಂದ ಸಹಸ್ರವೇದಿ
ಮೊದಲಾದ ಅಷ್ಟ ಪಾಷಾಣಂಗಳು ಪುಟ್ಟಿದವು.
ಇವರುಗಳ ಮಲಮೂತ್ರದಿಂದ
ಪರುಷರಸ ಸಿದ್ಧರಸ ನಿರ್ಜರೋದಕ ಪುಟ್ಟಿದವು.
ಇಂತಿವರುಗಳ ಬೆಚ್ಚು ಬೆದರಿಂದ
ದೇವಗ್ರಹ, ಯಕ್ಷಗ್ರಹ,
ನಾಗಗ್ರಹ, ಗಾಂಧರ್ವಗ್ರಹ, ಪಿಶಾಚಗ್ರಹ, ಪೆಂತರಗ್ರಹ,
ಬ್ರಹ್ಮರಾಕ್ಷಸಗ್ರಹ, ಶತಕೋಟಿ ದೇವಗ್ರಹ,
ಸರ್ವದರ್ಪಗ್ರಹ, ಶಾಕಿನಿ, ಡಾಕಿನಿ
ಮೊದಲಾದ ಗ್ರಹಭೂತ ಪ್ರೇತ ಪಿಶಾಚಂಗಳು ಪುಟ್ಟಿದವು.
ಇವರುಗಳ ಪ್ರಸೂತಿಕಾಲ ಮಾಸಿನಿಂದ
ಅಷ್ಟಲೋಹ ಪಾಷಾಣಂಗಳು ಪುಟ್ಟಿದವು.
ಕಾಲರಾಶಿ, ಕರಣರಾಶಿ, ಭೂತರಾಶಿ, ಮೂಲರಾಶಿ,
ಪ್ರಾಣರಾಶಿಗಳು ಮೊದಲಾದ ಕೀಟಕ ಜಾತಿಗಳು ಪುಟ್ಟಿದವು.
ಇಂತು ಚತುರ್ದಶ ಭುವನಂಗಳು,
ಐವತ್ತಾರುಕೋಟಿ ರಾಕ್ಷಸರು,
ದ್ವಾದಶಾದಿತ್ಯರು, ಮೂವತ್ತುಮೂರುಕೋಟಿದೇವರ್ಕಗಳು,
ದೇವಗಣಸುರಪತಿ, ಖಗಪತಿ, ಸಿಡಿಲು, ಮಿಂಚು, ವರುಣ,
ಗರುಡ, ನವಕುಲನಾಗಂಗಳು,
ಚಿಂತಾಮಣಿನವರತ್ನಂಗಳು, ಕಾಮಧೇನು,
ಕಲ್ಪವೃಕ್ಷ ಪರುಷರಸ, ಸಿದ್ದರಸ
ನಿರ್ಜರೋದಕ, ದಿಕ್ಕರಿಗಳು,
ಕೂರ್ಮ ಮೊದಲಾದ ಜಲಚರಂಗಳು,
ಚಂದ್ರತಾರಾಗಣ ನಕ್ಷತ್ರಂಗಳು ಪುಟ್ಟಿದವು.
ಇದಕ್ಕೆ ಶ್ರುತಿ:
“ಓಂ ವಿಶ್ವಕರ್ಮಹೃದಯೇ ಬ್ರಹ್ಮಚಂದ್ರಮಾ ಮನಸೋ ಜಾತಃ
ಚಕ್ಷೋಸ್ಸೂರ್ಯದಯಾಭ್ಯೋ ಸರ್ವಾಂಗ ಭೂಷಿಣಿ|
ದೇವಸ್ಯ ಬಾಹುದ್ವಯಾಂಶಕಃ| ಪ್ರತಿಬಾಹು ವಿಷ್ಣುಮೇವಚ
ಮಣಿಬಂಧೇ ಪಿತಾಮಹಃ|
ಜ್ಯೇಷ್ಠಾಂಗುಲೇ ದೇವೇಂದ್ರ
ತರ್ಜಂನ್ಯಂಗುಲೇ ಈಶಾನಃ ಪ್ರೋಕ್ತಃ
ಮಾಧ್ಯಮಾದಂಗುಲೇ ಮಾಧವಃ
ಅನಾಮಿಕಾಂಗುಲೇ ಅಗ್ನಿ ದೇವಃ
ಕನಿಷ್ಟಾಂಗುಲೇ ಭಾಸ್ಕರಃ
ಅಚಲಕುಚಿತಮಧ್ಯೇ ವನರ್ಚಪಾದ
ಆಹ್ವಾನಾಂತು ಜಗತ್
ನಿರ್ಮಿತ ವಿಶ್ವಕರ್ಮಣಾಮ್”
ಇಂತು ಕಾಶ್ಯಪಬ್ರಹ್ಮನ
ಹದಿಮೂರು ಸ್ತ್ರೀಯರುಗಳಿಗೆ
ಸಚರಾಚರಂಗಳು ಪುಟ್ಟಿದವಾಗಿ,
ಇವರ ಪರಿಪ್ರಮಾಣ
ನಮ್ಮ ಶರಣಸ್ಥಲದಲ್ಲಿದ್ದವರು ಬಲ್ಲರು.
ಸದ್ಯೋಜಾತ, ವಾಮದೇವ,
ಅಘೋರ, ತತ್ಪುರುಷ, ಈಶಾನ್ಯ,
ಪಂಚವಕ್ತ್ರ, ಆದಿಲಿಂಗ,
ಅನಾದಿಶರಣ ಇವರೆಲ್ಲರು ಸಾಕ್ಷಿಯಾಗಿ
ಕೂಡಲಚೆನ್ನಸಂಗಯ್ಯನೆ ವಿಶ್ವಕರ್ಮ ಜಗದ್ಗುರು.
Transliteration Ōṁ viśva nirākāra niranayanirvikāra
avagatavāgmanavāgata ākāśa sabhāmūrti
nirākāravemba nijaliṅgavappa
paraśivānanda mūrti
tannoḷu triguṇātmakanāgiha.
Adentendaḍe:
Śiva sadāśiva mahēśvaranendu paraśivana
triguṇātmaka bhēdaṅgaḷu,
intappa paraśivanu viśvadutpatyakāraṇanāgi
pan̄casādākhya rūpagaḷaṁ
pratyēka triguṇātmakarāgi
jyōtiyiṁ pottisalāpudu.
Ghanavāvudu upamisabārada mahāghanadante
ā mahābeḷagu tannoḷaidu rūpāyittu.
Adentendaḍe:
Śiva amūrti mūrti kartr̥ karmaremba
pan̄cabrahma huṭṭidavu;
adakaivaru śaktiyarudayisidaru,
avara nāmaṅgaḷu:
Parāśakti, ādiśakti, icchāśakti jñānaśakti kriyāśakti.
Intintu aivaranu pan̄cabrahmarige
vivāhaṁ māḍidoḍā
śivaśakti pan̄cakadindondu
ōṅkāravemba bījavaṁ nirmisidaḍā
ōṅkāra bījadindondu
virāṭasvarūpamappa
mahāghana tējōmayavappa
anādirudrasahasrānśuviṅge
sāvira śira sāvira nayana sāvira dēha
sāvirapādavuḷḷa svayambhumūrti puṭṭida.
Ā svayambhumūrtiya mukhadalli īśvarapuṭṭida,
īśvarana vāmabhāgadalli viṣṇupuṭṭida.
Dakṣiṇabhāgadalli brahmapuṭṭida.
Intu tridēvateyaroḷagagrajanappa
mahāmahima īśvarana pan̄camukhadalli
pan̄cabrahma tējōmaya rudraru puṭṭidaru.
Avara nāmaṅgaḷu:
Sadyōjāta vāmadēva aghōra
tatpuruṣa īśān'yarendintu.
Avarōḷsadyōjātanemba agrajarudra puṭṭidanu.
Ā sadyōjātaṅge mahārudra puṭṭidanu.
Ā mahārudraṅge śrīrudra puṭṭidanu.
Ā śrīrudraṅge rudra puṭṭidanu.
Ā rudraṅge agniyu avagata puṭṭidavu.
Ā agnige kāśśapabrahma puṭṭidanu.
Avagatakke māyāsvapnabrahma puṭṭidanu.
Adentendaḍe:
Māyave mr̥tyu, brahmave satya
adu māyāsakavapnabrahmavenisittu.
Intippa brahmavu māyā avalambisihudāgi
adu māyāsakavappabrahmavenisittu.
Intappa māyā sakavappabrahmaṅge
trayōdaśakumāriyaru puṭṭidaru.
Avara nāmaṅgaḷu:
Br̥hati, aditi, diti, vinutādēvi, kadru,
suvarṇaprabhe, kumudini, prabhādēvi, kāḷidaṇḍi,
mēghadaṇḍi, dātr̥prabhe, kusumāvati, pārvandini-
endintu trayōdaśakumāriyaru puṭṭidaru.
Idakke ādi paramēśvaranu
Sr̥ṣṭi nirmita jagadutpatya sthiti layagaḷāgabēkendu,
ā kāśyapabrahmagu trayōdaśa strīyarigeyu vivāhava māḍidanu.
Ā kāśyapabrahmana modala strīya pesaru br̥hati.
Ā br̥hatige puṭṭida makkaḷa pesaru hiraṇyakāṅkṣa.
Hiraṇyakāṅkṣana maga praharāja,
praharāja maga kumbhi,
ā kumbhiya maga niḥkumbhi,
niḥkumbhiya maga dundubhi,
ā dundubhiya maga bali,
baliya maga bāṇāsura.
Intivaru modalāda
chappannakōṭi rākṣasaru puṭṭidaru.
Eraḍaneya strīya pesaru aditi.
Ā aditige sūrya modalāda mūvattukōṭi
dēvarkaḷu dēvagaṇa puṭṭidavu.
Mūraneya strīya pesaru ditidēvi.
Ā ditidēvige kūrma modalāda
jalacaraṅgaḷu puṭṭidavu.
Nālkaneya strīya pesaru vinutādēvi.
Ā vinutādēvige siḍilu, min̄cu, varuṇa, garuḍa
modalāda khagajātigaḷu puṭṭidavu.
Aidaneya strīya pesaru kadrudēvi.
Ā kadruvige śēṣa, ananta, vāsugi, śambavāḷa,
kakṣara, karkōṭa, karāṇḍa,
bhujaṅga, kuḷḷika, allamācārya.
Intivu modalāda navakulanāgaṅgaḷu puṭṭidavu.
Āraneya strīya pesaru suvarṇaprabhe.
Ā suvarṇaprabhege candra, tārāgaṇa,
nakṣatraṅgaḷu puṭṭidavu.
Ēḷaneya strīya pesaru kumudini.
Ā kumudinige airāvata, puṇḍarīka,
Puṣpadanta, vāmana, supradīpa, an̄jana,
sārvabhauma, kumuda, bhagadatta intivu modalāda
mr̥gakulādi vyāghra śarabha śārdūlaṅgaḷu puṭṭidavu.
Eṇṭaneya strīya pesaru prabhādēvi.
Ā prabhādēvige kanakagiri, rajatagiri, sēnagiri,
nīlagiri, niṣadhagiri, mērugiri, mānasagiri
intivu modalāda parvataṅgaḷu puṭṭidavu.
Ombattaneya strīya pesaru kāḷidaṇḍi.
Ā kāḷidaṇḍige sapta'r̥ṣiyaru modalāda
aṣṭāsīti sahasra r̥ṣiyaru puṭṭidaru.
Hattaneya strīya pesaru mēghadaṇḍi.
Ā mēghadaṇḍige nīlamēgha, kumbhamēgha,
drōṇamēgha, dhūmamēgha,
kārmēgha intivu modalāda
mēghaṅgaḷu puṭṭidavu.
Hannondaneya strīya pesaru dātr̥prabhe.
Ā dātr̥prabhege cintāmaṇi modalāda
navaratnaṅgaḷu puṭṭidavu.
Hanneraḍaneya strīya pesaru kusumāvati.
Ā kusumāvatige kāmadhēnu, kalpavr̥kṣaṅgaḷu puṭṭidavu.
Hadimūraneya strīya pesaru pārvandini.
Ā pārvandinige aṣṭadikpālakaru puṭṭidaru.
Intivarugaḷa rajas'sīlāśōṇitadinda sahasravēdi
modalāda aṣṭa pāṣāṇaṅgaḷu puṭṭidavu.
Ivarugaḷa malamūtradinda
paruṣarasa sid'dharasa nirjarōdaka puṭṭidavu.
Intivarugaḷa beccu bedarinda
dēvagraha, yakṣagraha,
nāgagraha, gāndharvagraha, piśācagraha, pentaragraha,
brahmarākṣasagraha, śatakōṭi dēvagraha,
sarvadarpagraha, śākini, ḍākini
modalāda grahabhūta prēta piśācaṅgaḷu puṭṭidavu.
Ivarugaḷa prasūtikāla māsininda
aṣṭalōha pāṣāṇaṅgaḷu puṭṭidavu.
Kālarāśi, karaṇarāśi, bhūtarāśi, mūlarāśi,
prāṇarāśigaḷu modalāda kīṭaka jātigaḷu puṭṭidavu.
Intu caturdaśa bhuvanaṅgaḷu,
aivattārukōṭi rākṣasaru,
dvādaśādityaru, mūvattumūrukōṭidēvarkagaḷu,
Dēvagaṇasurapati, khagapati, siḍilu, min̄cu, varuṇa,
garuḍa, navakulanāgaṅgaḷu,
cintāmaṇinavaratnaṅgaḷu, kāmadhēnu,
kalpavr̥kṣa paruṣarasa, siddarasa
nirjarōdaka, dikkarigaḷu,
kūrma modalāda jalacaraṅgaḷu,
candratārāgaṇa nakṣatraṅgaḷu puṭṭidavu.
Idakke śruti:
“Ōṁ viśvakarmahr̥dayē brahmacandramā manasō jātaḥ
cakṣōs'sūryadayābhyō sarvāṅga bhūṣiṇi|
dēvasya bāhudvayānśakaḥ| pratibāhu viṣṇumēvaca
maṇibandhē pitāmahaḥ|
jyēṣṭhāṅgulē dēvēndra
tarjann'yaṅgulē īśānaḥ prōktaḥ
mādhyamādaṅgulē mādhavaḥ
anāmikāṅgulē agni dēvaḥ
Kaniṣṭāṅgulē bhāskaraḥ
acalakucitamadhyē vanarcapāda
āhvānāntu jagat
nirmita viśvakarmaṇām”
intu kāśyapabrahmana
hadimūru strīyarugaḷige
sacarācaraṅgaḷu puṭṭidavāgi,
ivara paripramāṇa
nam'ma śaraṇasthaladalliddavaru ballaru.
Sadyōjāta, vāmadēva,
aghōra, tatpuruṣa, īśān'ya,
pan̄cavaktra, ādiliṅga,
anādiśaraṇa ivarellaru sākṣiyāgi
kūḍalacennasaṅgayyane viśvakarma jagadguru.
