ಚನ್ನಬಸವಣ್ಣ   
  •  
  •  
  •  
  •  


Index   ವಚನ - 1674    Search  
 
ಶ್ರೀಗುರು ಶಿಷ್ಯಂಗೆ ಅನುಗ್ರಹ ಮಾಡಿದ ಕ್ರಮವೆಂತೆಂದಡೆ: 'ಲಿಂಗ, ಜಂಗಮ, ಪಾದೋದಕ, ಪ್ರಸಾದ- ಇಂತು ಚತುರ್ವಿಧ ಲಂಪಟನಾಗೈ ಮಗನೆ' ಎಂದು ಅಂಗದ ಮೇಲೆ ಲಿಂಗಸಾಹಿತ್ಯವ ಮಾಡಿ, 'ಹುಸಿ ಕಳವು ವೇಶ್ಯಾಗಮನ ಪಾರದ್ವಾರ ಪರದ್ರವ್ಯ ಪರನಿಂದೆ ಪರದೋಷ: ಇಂತೀ ಸಪ್ತಗುಣ ವಿರಹಿತನಾಗಿ, ಅನ್ಯಭವಿನಾಸ್ತಿಯಾಗಿ ಮಜ್ಜನಕ್ಕೆರೆವುದು ಶಿವಪಥ ಕಂಡಾ ಮಗನೆ' ಎಂದು ಹೇಳಿಕೊಟ್ಟ ಉಪದೇಶವನೆ ಕೇಳಿ ನಡೆಯ ಬಲ್ಲಡೆ ಆತನೆ ಶಿಷ್ಯ ಆತನೆ ನಿತ್ಯಮುಕ್ತನು. ಆ ಗುರುಶಿಷ್ಯರಿಬ್ಬರು ನಿಮ್ಮೊಳಗೆರಕವು-ಅದಂತಿರಲಿ, ಅದು ಉಪಮಿಸಬಾರದ ಘನವು, ಅದಕ್ಕೆ ಶರಣಾರ್ಥಿ. ಇನಿತಲ್ಲದೆ ಕೊಡುವ ಕೊಂಬ ಗುರುಶಿಷ್ಯರಿಬ್ಬರಿಗೂ ಯಮದಂಡನೆ ಕಾಣಾ, ಕೂಡಲಚೆನ್ನಸಂಗಮದೇವಾ.
Transliteration Śrīguru śiṣyaṅge anugraha māḍida kramaventendaḍe: 'Liṅga, jaṅgama, pādōdaka, prasāda- intu caturvidha lampaṭanāgai magane' endu aṅgada mēle liṅgasāhityava māḍi, 'husi kaḷavu vēśyāgamana pāradvāra paradravya paraninde paradōṣa: Intī saptaguṇa virahitanāgi, an'yabhavināstiyāgi majjanakkerevudu śivapatha kaṇḍā magane' endu hēḷikoṭṭa upadēśavane Kēḷi naḍeya ballaḍe ātane śiṣya ātane nityamuktanu. Ā guruśiṣyaribbaru nim'moḷagerakavu-adantirali, adu upamisabārada ghanavu, adakke śaraṇārthi. Initallade koḍuva komba guruśiṣyaribbarigū yamadaṇḍane kāṇā, kūḍalacennasaṅgamadēvā.