ಒಂದ ವಿಶೇಷವೆಂದು ಹಿಡಿದು,
ಮತ್ತೊಂದಧಮವ ಮುಟ್ಟದಿದ್ದುದೆ ಭರಿತಾರ್ಪಣ.
ಪರಸ್ತ್ರೀ ಪರಧನಂಗಳಲ್ಲಿ ದುರ್ವಿಕಾರ ದುಶ್ಚರಿತ್ರದಲ್ಲಿ
ಒಡಗೂಡದಿಪ್ಪುದೆ ಭರಿತಾರ್ಪಣ.
ಮರವೆಯಲ್ಲಿ ಬಂದ ದ್ರವ್ಯವ ತಾನರಿದು
ಮುಟ್ಟಿದಲ್ಲಿಯೆ ಭರಿತಾರ್ಪಣ.
ತನ್ನ ವ್ರತ ನೇಮ ನಿತ್ಯಕೃತ್ಯಕ್ಕೆ ಅಪರಾಧ ಬಂದಲ್ಲಿ
ಸಕಲವ ನೇತಿಗಳೆದು, ಆ ವ್ರತ ನೇಮದ ಆಳಿ ತಪ್ಪದೆ
ಸಲೆ ಸಂದುದು ಭರಿತಾರ್ಪಣ.
ಹೀಗಲ್ಲದೆ ಓಗರ ಮೇಲೋಗರದ ಲಾಗಿಗೆ
ಭರಿತಾರ್ಪಣವುಂಟೆಂದು ನುಡಿವುದು ಸಹಜವೆ!
ಆಚಾರವೆ ಪ್ರಾಣವಾದ ರಾಮೇಶ್ವರಲಿಂಗದಲ್ಲಿ
ಭರಿತಾರ್ಪಣದ ಸಹಜದ ಭಾವ.
Transliteration Onda viśēṣavendu hiḍidu,
mattondadhamava muṭṭadiddude bharitārpaṇa.
Parastrī paradhanaṅgaḷalli durvikāra duścaritradalli
oḍagūḍadippude bharitārpaṇa.
Maraveyalli banda dravyava tānaridu
muṭṭidalliye bharitārpaṇa.
Tanna vrata nēma nityakr̥tyakke aparādha bandalli
sakalava nētigaḷedu, ā vrata nēmada āḷi tappade
sale sandudu bharitārpaṇa.
Hīgallade ōgara mēlōgarada lāgige
bharitārpaṇavuṇṭendu nuḍivudu sahajave!
Ācārave prāṇavāda rāmēśvaraliṅgadalli
bharitārpaṇada sahajada bhāva.
