ಇನ್ನು ಚತುಃಶೈವಗಳಾವಾವವೆಂದೊಡೆ:
ಸಮಾನ್ಯಶೈವ ಮಿಶ್ರಶೈವ ಶುದ್ದಶೈವ ವೀರಶೈವವೆಂದು ಕ್ರಮದಿಂದದಪ್ಪುವು.
ಅ ನಾಲ್ಕು ವಿಧವಾದ ಶೈವಗಳೊಳಗೆ ಮೊದಲು
ಸಾಮಾನ್ಯಶೈವ ಲಕ್ಷಣವನು ಹೇಳಿಹೆನು:
ಆವನಾನೊಬ್ಬ ಸಾಮಾನ್ಯ ಶೈವನು ವಿಭೂತಿಯ ಪಟ್ಟ ಮಾತ್ರದಿಂದವೆ
ಶುದ್ಧವಾಗುತ್ತಿದ್ದನಾಗಿ ಸ್ವಯಂಭು ಲಿಂಗವನಾದರೆಯು
ದೇವ ದಾನವ ಮಾನವಾದಿಗಳಿಂದ ಪ್ರತಿಷ್ಠಿತವಾದ ಲಿಂಗವನಾದರೆಯು
ಅವ ವೇಳೆಯಲ್ಲಿ ಕಂಡನೋ ಅದೇ ವೇಳೆಯಲ್ಲಿ
ಅಲ್ಲಿರ್ದರ್ಚನೆಯ ಮಾಡೂದು,
ಪ್ರದಕ್ಷಿಣಿ ದರ್ಶನ ನಮಸ್ಕಾರವನಾದಡೆಯೂ ಮಾಡೂದು,
ಶಿವಕೀರ್ತಿ ಶಿವ ವಚನ ಶಿವಭಕ್ತರಲ್ಲಿ ಪ್ರೀತಿಯುಳ್ಳಾತನು
ಈ ಶಿವಾರ್ಚನಾದಿಗಳಲ್ಲಿ ಸಂಪೂರ್ಣ ನಿಯತಿ ಇಲ್ಲದಿದ್ದರೂ
ಲಬ್ಧವಾದ ಕ್ರಿಯಗಳನಾಚರಿಸಿವುದು
ಸಾಮನ್ಯ ಶೈವ ಲಕ್ಷಣವೆಂದು ನುಡಿಯುವರಯ್ಯ.
ಇನ್ನು ಮಿಶ್ರ ಶೈವ ಲಕ್ಷಣವೆಂತೆಂದೊಡೆ:
ಗ್ರಂಥ: ಶೈವಂ ಚ ವೈಷ್ಣವಂ ಶಾಕ್ತ ಕೌಮಾರಂ ಗಣಪತ್ಯಕಂ ಸೌರಂ
ಚಾಖಿಲ ದೈವತಂ| ಪೂಜಿನಂ ಚ ಸಮಾಚರೇತ್||’ ಎಂದು
ಸಿಂಹಾಸನದಲ್ಲಿ ಸ್ಥಾಪಿತವಾದ ಲಿಂಗಪೂಜೆಯನು,
ದೇವಿಯ ಪೂಜೆಯನು, ವಿಘ್ವೇಶ್ವರ ಪೂಜೆಯನು,
ಷಣ್ಮುಖ ಪೂಜೆಯನು, ಸೂರ್ಯ ಪೂಜೆಯನು,
ಆವನಾನೊಬ್ಬ ವೈದಿಕ ಶೈವನು ಈ ಪಂಚ ಪೂಜೆ ಸಹವಾಗಿ ಇಂದ್ರಾದ್ಯಖಿಲ
ಪೂಜೆಯನು ಲೇಸಾಗಿ ಮಾಡುವುದು.
ಈ ಪೂರ್ವೋಕ್ತವಾದ ಪಂಚಾವರಣ ಮೊದಲಾದ
ಸಮಸ್ತ ದೇವತೆಗಳಲ್ಲಿಯೂ ಆಯಾ ದೇವತಾ ಮಂತ್ರಗಳಲ್ಲಿಯೂ
ಬೆರೆಯರ್ದಿದರಿಂದ ಸಮಾನವಾದ ಭಕ್ತಿಯೊಡನೆ ಕೂಡಿ
ಸಮಸ್ತ ದೇವತೆಗಳನ್ನು ಶಿವಪರಿಪೂರ್ಣ ಭಾವದಿಂ ಶಿವಲಿಂಗದೊಡನೆ
ಕೂಡಿ ಭಾವಿಸುವುದು.
ಈ ಪ್ರಕಾರದಲ್ಲಿ ಮಿಶ್ರ ಶೈವವನು ಹೇಳುವರಯ್ಯ.
ಶಿವನನು ಉದ್ಧೇಶಿಸಿರುವುದರಿಂದ ಶುದ್ಧ ತತ್ವವಪ್ಪುದು,
ಶಿವನ ದೆಸೆಯಿಂದ ಪುಟ್ಟಿದ ಕಾರಣ ಶೈವ ಶಬ್ದವಾಯಿತ್ತು,
ಶುಧ್ಧ ಶೈವವೆಂದು ನೆನೆಯುತ್ತಾರೆ.
ಆ ಶುದ್ಧ ಶೈವದ ದೆಸೆಯಿಂದ ಹುಟ್ಟಿದವನು ಶಿವ ಬ್ರಾಹ್ಮಣನೆನಿಸಿಕೊಂಬನು
ಇಂತಿವು ಚತುಃಶೈವವಯ್ಯ
ಶಾಂತವೀರೇಶ್ವರಾ
Transliteration Innu catuḥśaivagaḷāvāvavendoḍe:
Samān'yaśaiva miśraśaiva śuddaśaiva vīraśaivavendu kramadindadappuvu.
A nālku vidhavāda śaivagaḷoḷage modalu
sāmān'yaśaiva lakṣaṇavanu hēḷihenu:
Āvanānobba sāmān'ya śaivanu vibhūtiya paṭṭa mātradindave
śud'dhavāguttiddanāgi svayambhu liṅgavanādareyu
dēva dānava mānavādigaḷinda pratiṣṭhitavāda liṅgavanādareyu
ava vēḷeyalli kaṇḍanō adē vēḷeyalli
allirdarcaneya māḍūdu,Pradakṣiṇi darśana namaskāravanādaḍeyū māḍūdu,
śivakīrti śiva vacana śivabhaktaralli prītiyuḷḷātanu
ī śivārcanādigaḷalli sampūrṇa niyati illadiddarū
labdhavāda kriyagaḷanācarisivudu
sāman'ya śaiva lakṣaṇavendu nuḍiyuvarayya.
Innu miśra śaiva lakṣaṇaventendoḍe:
Grantha: Śaivaṁ ca vaiṣṇavaṁ śākta kaumāraṁ gaṇapatyakaṁ sauraṁ
cākhila daivataṁ| pūjinaṁ ca samācarēt||’ endu
sinhāsanadalli sthāpitavāda liṅgapūjeyanu,
dēviya pūjeyanu, vighvēśvara pūjeyanu,
ṣaṇmukha pūjeyanu, sūrya pūjeyanu,
āvanānobba vaidika śaivanu ī pan̄ca pūje sahavāgi indrādyakhila
Pūjeyanu lēsāgi māḍuvudu.
Ī pūrvōktavāda pan̄cāvaraṇa modalāda
samasta dēvategaḷalliyū āyā dēvatā mantragaḷalliyū
bereyardidarinda samānavāda bhaktiyoḍane kūḍi
samasta dēvategaḷannu śivaparipūrṇa bhāvadiṁ śivaliṅgadoḍane
kūḍi bhāvisuvudu.
Ī prakāradalli miśra śaivavanu hēḷuvarayya.
Śivananu ud'dhēśisiruvudarinda śud'dha tatvavappudu,
śivana deseyinda puṭṭida kāraṇa śaiva śabdavāyittu,
śudhdha śaivavendu neneyuttāre.
Ā śud'dha śaivada deseyinda huṭṭidavanu śiva brāhmaṇanenisikombanu
intivu catuḥśaivavayya
śāntavīrēśvarā
