ಶಿವ ಬ್ರಾಹ್ಮಣರೆನಿಸಕೊಂಬ ಆ ಬ್ರಾಹ್ಮಣರುಗಳು
ಆದಿಶೈವರೆನಿಸಿಕೊಂಬರು.
ಅವರಾರೆಂದೊಡೆ:
ಶ್ಲೋಕ :
“ಕೌಶಿಕಃ ಕಾಶ್ಯಪಶೈವ| ಭಾರದ್ವಾಜಾತಿ ರೇವಚಗೌತಮ ಶ್ಚೇತಿ ಪಂಚೈತಿ|
ಪಂಚವಕ್ತ್ರೇಷು ದೀಕ್ಷಾತಾಃ ಏತೇಷಾಂ ಋಷಿ ವಂಶೇಷು|
ಜಾತಸ್ತೇಷು ಶಿವದ್ವಿಜಾಃ|”
ಕಾಮಿಕ ಮೊದಲಾದ ಇಪ್ಪಂತೆಂಟಾಗಮಗಳಲ್ಲಿ
ಶಿವಲಿಂಗ ಪ್ರತಿಷ್ಠೆ ಮೊದಲಾಗಿ ನಿತ್ಯೋತ್ಸವ ಕಡೆಯಾದುದನು;
ನಿತ್ತೋತ್ಸವ ಮೊದಲಾಗಿ ಪ್ರಾಯಶ್ಚಿತ್ತಂಗಳೆ ಕಡೆಯಾಗಿಹಂಥದನು
ಅರಿದು ಸರ್ವವನು ಆಚರಿಸೂದು,
ಶಿವಾದಿ ಮಂತ್ರಂಗಳಿಂದವು
ಆಯಾ ಮಂತ್ರಂಗಳ ಯಂತ್ರ ಕ್ರಿಯಂಗಳಿಂದವೂ
ಮಹಾಮುದ್ರೆ ಮೊದಲಾದ ಮುದ್ರೆಗಳಿಂದವೂ
ಷಡಂಗ ಮೊದಲಾದ ನ್ಯಾಸಗಳಿಂದವೂ
ಆಹ್ವಾನ ಸ್ಥಾಪನ ಸನ್ನಿರೋಧನ
ಮೊದಲಾದವುಗಳಿಂದವೂ
ಷೋಡಶೋಪಚಾರ ಮೊದಲಾದ ಉಪಚಾರಣಗಳಿಂದವೂ
ಲಿಂಗವನು ಸಿಂಹಾಸನದಲ್ಲಿ ಪೂಜಿಸುವದಯ್ಯ
ಶಾಂತವೀರೇಶ್ವರಾ
Transliteration Śiva brāhmaṇarenisakomba ā brāhmaṇarugaḷu
ādiśaivarenisikombaru.
Avarārendoḍe:
Ślōka:
“Kauśikaḥ kāśyapaśaiva| bhāradvājāti rēvacagautama ścēti pan̄caiti|
pan̄cavaktrēṣu dīkṣātāḥ ētēṣāṁ r̥ṣi vanśēṣu|
jātastēṣu śivadvijāḥ|”
kāmika modalāda ippanteṇṭāgamagaḷalli
śivaliṅga pratiṣṭhe modalāgi nityōtsava kaḍeyādudanu;
nittōtsava modalāgi prāyaścittaṅgaḷe kaḍeyāgihanthadanuAridu sarvavanu ācarisūdu,
śivādi mantraṅgaḷindavu
āyā mantraṅgaḷa yantra kriyaṅgaḷindavū
mahāmudre modalāda mudregaḷindavū
ṣaḍaṅga modalāda n'yāsagaḷindavū
āhvāna sthāpana sannirōdhana
modalādavugaḷindavū
ṣōḍaśōpacāra modalāda upacāraṇagaḷindavū
liṅgavanu sinhāsanadalli pūjisuvadayya
śāntavīrēśvarā
