ಈ ಪ್ರಕಾರವಾಗಿ ಲಿಂಗದಲ್ಲಿ ಕಳೆಯ ಸ್ಥಾಪಿಸಿದನಾಗಿ
ಆ ಗುರುವಿನ ಹಸ್ತದಿಂದ ಲಿಂಗಕಳೆ
ಹುಟ್ಟಿ ಕರಸ್ಥಲಕ್ಕೆ ಇಷ್ಟಲಿಂಗವಾಯಿತ್ತು
ಮನಸ್ಥಲಕ್ಕೆ ಪ್ರಾಣಲಿಂಗವಾಯಿತ್ತು
ಭಾವ ಭರಿತವಾಗಿ ಭಾವಲಿಂಗವಾಯಿತ್ತು
ಆ ಇಷ್ಟಲಿಂಗವೆ ಆಚಾರಲಿಂಗ
ಗುರುಲಿಂಗವೆಂದೆರಡಾಯಿತ್ತು.
ಆ ಪ್ರಾಣಲಿಂಗವೆ ಶಿವಲಿಂಗ
ಜಂಗಮಲಿಂಗವೆಂದರಡಾಯಿತ್ತು.
ಆ ಭಾವಲಿಂಗವೆ ಪ್ರಸಾದಲಿಂಗ
ಮಹಾಲಿಂಗವೆಂದರಡಾಯಿತ್ತು ಆಚಾರಲಿಂಗ[ದಲ್ಲಿ]
ಗುರುಲಿಂಗ ಶಿವಲಿಂಗ
ಜಂಗಮಲಿಂಗ ಪ್ರಸಾದಲಿಂಗ ಮಹಾಲಿಂಗ
ಇಂತೀ ಲಿಂಗಪಂಚಕವು
ಆಚಾರಲಿಂಗದಲ್ಲಿಯೇ ಗರ್ಭಿಕೃತವಾಗಿ
ಆಚಾರಲಿಂಗವೆಂದು ಕ್ರೀಯಾಲಿಂಗವೆಂದು ಇಷ್ಟಲಿಂಗವೆಂದು
ಒಂದೇಪರಿಯಾಗಿ ಕರಸ್ಥಲಕ್ಕೆ ಬಂದಿತ್ತಯ್ಯ
ಶ್ರೀ ಗುರು ಶಾಂತವೀರೇಶ್ವರಾ
Transliteration Ī prakāravāgi liṅgadalli kaḷeya sthāpisidanāgi
ā guruvina hastadinda liṅgakaḷe
huṭṭi karasthalakke iṣṭaliṅgavāyittu
manasthalakke prāṇaliṅgavāyittu
bhāva bharitavāgi bhāvaliṅgavāyittu
ā iṣṭaliṅgave ācāraliṅga
guruliṅgavenderaḍāyittu.
Ā prāṇaliṅgave śivaliṅga
jaṅgamaliṅgavendaraḍāyittu.
Ā bhāvaliṅgave prasādaliṅga
Mahāliṅgavendaraḍāyittu ācāraliṅga[dalli]
guruliṅga śivaliṅga
jaṅgamaliṅga prasādaliṅga mahāliṅga
intī liṅgapan̄cakavu
ācāraliṅgadalliyē garbhikr̥tavāgi
ācāraliṅgavendu krīyāliṅgavendu iṣṭaliṅgavendu
ondēpariyāgi karasthalakke bandittayya
śrī guru śāntavīrēśvarā
