ದ್ರವಂಗಳೆ ಆವುದಾನೊಂದು ರೂಪು,
ಅರ್ಚನಾ ಕಾಲದಲ್ಲಿ ಲಿಂಗಮುಖಾರ್ಪಣವಾಗುತ್ತದೆ.
ಆ ರೂಪೆ ಮರಳಿ ಅರ್ಚನಾಕಾಲ
ಪರಿಯಂತರ ಪ್ರಸಾದವಾಗುತ್ತದೆ.
ಆ ಲಿಂಗಾರ್ಚನೆಯವಸರದಲ್ಲಿ
ಆವುದಾನೊಂದು ದ್ರವ್ಯವು ಸಮರ್ಪಿತವಾದುದು
ಅದೇ ಶುದ್ಧವಾದುದು.
ಲಿಂಗಾರ್ಚನೆಯ ಅವಸರವಲ್ಲದೆ ಅರ್ಪಿತವಾದ ದ್ರವ್ಯವು
ಶುದ್ಧವಲ್ಲದ ದ್ರವ್ಯವೆನಿಸುವುದು.
ಇಷ್ಟಲಿಂಗಾರ್ಪಿತವೆ ಶುದ್ಧ, ಪ್ರಾಣಲಿಂಗಾರ್ಪಿತವೆ ಸಿದ್ಧ.
ಭಾವಲಿಂಗಾರ್ಪಿತವೆ ಪ್ರಸಿದ್ಧವೆಂದು ಹೇಳುವರಯ್ಯ
ಶಾಂತವೀರೇಶ್ವರಾ
Transliteration Dravaṅgaḷe āvudānondu rūpu,
arcanā kāladalli liṅgamukhārpaṇavāguttade.
Ā rūpe maraḷi arcanākāla
pariyantara prasādavāguttade.
Ā liṅgārcaneyavasaradalli
āvudānondu dravyavu samarpitavādudu
adē śud'dhavādudu.
Liṅgārcaneya avasaravallade arpitavāda dravyavu
śud'dhavallada dravyavenisuvudu.
Iṣṭaliṅgārpitave śud'dha, prāṇaliṅgārpitave sid'dha.
Bhāvaliṅgārpitave prasid'dhavendu hēḷuvarayya
śāntavīrēśvarā
