ಮತ್ತಮಾ ಸಾಧಾರದೀಕ್ಷೆಯು ಸಬೀಜದೀಕ್ಷೆ ನಿರ್ಬೀಜದೀಕ್ಷೆ
ಚಿನ್ಮಯದೀಕ್ಷೆಯೆಂದು ಮೂರು [ಪ್ರಕಾರದವು].
ಅವು ಯಥಾಕ್ರಮದಿಂದ ಕರ್ಮಕಾಂಡ
ಭಕ್ತಿಕಾಂಡ ಜ್ಞಾನಕಾಂಡಗಳಲ್ಲಿಯ ದೀಕ್ಷೆ ಎನಿಸಿಕೊಂಬವು.
ಇಂತೆಂದು ಕಾರಣಾಗಮ ಪೇಳೂದಯ್ಯಾ.
ಅವರೊಳು ನಿರ್ಬೀಜದೀಕ್ಷೆ[ಯ
ಸದ್ಯೋ ನಿರ್ವಾಣದೀಕ್ಷೆ ಎಂದು]
ಚಿರಂ ನಿರ್ವಾಣದೀಕ್ಷೆ ಎಂದು ಎರಡು ಭೇದವು ಪೇಳಲ್ಪಡುತ್ತಿಹುದು.
ಅವರೊಳು ಅತ್ಯಂತ ವಿರಕ್ತನಾದ ಶಿಷ್ಯ[ನು]
ಅನೇಕ ಭವಂಗಳಲ್ಲಿ ಮಾಡಲ್ಪಟ್ಟ ಸಂಚಿತಕರ್ಮಂಗಳನು,
ಮತ್ತಮಾ ಸಂಚಿತಕರ್ಮರಾಶಿಯೊಳಂ
ಆಗ ತಾಳ್ದಿರ್ದ ಶರೀರವಿಡಿದು ಅನುಭವಿಸುತ್ತಿರ್ದ
ಪ್ರಾರಬ್ಧ ಕರ್ಮಂಗಳನು, ಮುಂದೆ ಭವಾಂತರಂಗಳಲ್ಲಿ
ಅನುಭವಿಸಲುಳ್ಳ ಆಗಾಮಿ ಕರ್ಮಂಗಳನು ಶೋಧಿಸಿ
ಸದ್ಯೋನ್ಮುಕ್ತಿಯನೆಯ್ದಿಸುವ ದೀಕ್ಷೆ
ಸದ್ಯೋನಿರ್ವಾಣದೀಕ್ಷೆ ಎನಿಸುವದಯ್ಯ,
ಶಾಂತವೀರಪ್ರಭುವೇ.
Transliteration Mattamā sādhāradīkṣeyu sabījadīkṣe nirbījadīkṣe
cinmayadīkṣeyendu mūru [prakāradavu].
Avu yathākramadinda karmakāṇḍa
bhaktikāṇḍa jñānakāṇḍagaḷalliya dīkṣe enisikombavu.
Intendu kāraṇāgama pēḷūdayyā.
Avaroḷu nirbījadīkṣe[ya
sadyō nirvāṇadīkṣe endu]
Ciraṁ nirvāṇadīkṣe endu eraḍu bhēdavu pēḷalpaḍuttihudu.
Avaroḷu atyanta viraktanāda śiṣya[nu]
anēka bhavaṅgaḷalli māḍalpaṭṭa san̄citakarmaṅgaḷanu,
mattamā san̄citakarmarāśiyoḷaṁ
āga tāḷdirda śarīraviḍidu anubhavisuttirda
prārabdha karmaṅgaḷanu, munde bhavāntaraṅgaḷalli
anubhavisaluḷḷa āgāmi karmaṅgaḷanu śōdhisi
sadyōnmuktiyaneydisuva dīkṣe
sadyōnirvāṇadīkṣe enisuvadayya,
śāntavīraprabhuvē.
