ವಿಪ್ರಂಗೆ ವೇದಮಂತ್ರವ ಬಿಟ್ಟು ವಿಜಾತಿಯಲ್ಲಿ ಬೆರಸಲಿಕ್ಕೆ
ಸ್ವಜಾತಿಗೆ ಹೊರಗಪ್ಪರು ನೋಡಾ.
ಶ್ರೀ ವಿಭೂತಿ ಶ್ರೀ ರುದ್ರಾಕ್ಷಿ ಶಿವಲಿಂಗ ಮುಂತಾದ
ನಾನಾ ವ್ರತ ನೇಮ ನಿತ್ಯದ ಭಾವವ ಬಿಟ್ಟು ಬಂದವನ
ಗುರುವಾದಡು ಲಿಂಗವಾದಡು ಜಂಗಮವಾದಡು
ನೋಡಿದಡೆ ನುಡಿಸಿದಡೆ
ಆ ಘಟವಿದ್ದೆಡೆಯಲ್ಲಿ ನಾನಿದ್ದೆನಾದಡೆ ಎನ್ನ ವ್ರತಕ್ಕದೆ ಭಂಗ.
ಅನುಸರಣೆಯಲ್ಲಿ ಬಂದವರ ಕಂಡು ಕೇಳಿ
ಅವರ ಅಂಗಳವ ಕೂಡಿಕೊಂಡವರ
ಇದ ನಾನರಿತು ಅಂಗೀಕರಿಸಿದೆನಾದಡೆ ಇಹಪರಕ್ಕೆ ಹೊರಗು.
ಆಚಾರವೆ ಪ್ರಾಣವಾದ ರಾಮೇಶ್ವರಲಿಂಗವಾಯಿತ್ತಾದಡೂ
ವ್ರತಬಾಹ್ಯವಾದಡೆ ಎತ್ತಿಹಾಕುವೆನು.
Transliteration Vipraṅge vēdamantrava biṭṭu vijātiyalli berasalikke
svajātige horagapparu nōḍā.
Śrī vibhūti śrī rudrākṣi śivaliṅga muntāda
nānā vrata nēma nityada bhāvava biṭṭu bandavana
guruvādaḍu liṅgavādaḍu jaṅgamavādaḍu
nōḍidaḍe nuḍisidaḍe
ā ghaṭaviddeḍeyalli nāniddenādaḍe enna vratakkade bhaṅga.
Anusaraṇeyalli bandavara kaṇḍu kēḷi
avara aṅgaḷava kūḍikoṇḍavara
ida nānaritu aṅgīkarisidenādaḍe ihaparakke horagu.
Ācārave prāṇavāda rāmēśvaraliṅgavāyittādaḍū
vratabāhyavādaḍe ettihākuvenu.
