ಅಯ್ಯಾ, ಈ ಮಹಾಘನವ ಕಾಂಬುದಕ್ಕೆ
ಹಸಿವು ಕೆಡಬೇಕು; ತೃಷೆಯಡಗಬೇಕು; ವ್ಯಸನ ನಿಲ್ಲಬೇಕು;
ನಿದ್ರೆ ಹರಿಯಬೇಕು; ಜೀವನ ಬುದ್ಧಿ ಹಿಂಗಬೇಕು;
ಮನ ಪವನ ಬಿಂದು ಒಡಗೂಡಬೇಕು;
ಚಿತ್ತ ಒತ್ತಟ್ಟಿಗೆ ಹೋಗದಿರಬೇಕು.
ಹೊತ್ತು ಹೊತ್ತಿಗೆ ಉತ್ತರವನೇರಿ ಬೆಚ್ಚು ಬೇರಿಲ್ಲದೆ
ಲಿಂಗದೊಳಗೆ ಅಚ್ಚೊತ್ತಿದಂತೆ ಬೆರೆದಡೆ,
ಕತ್ತಲೆ ಹರಿವುದು, ಮರವೆ ಹಿಂಗುವುದು, ನಿದ್ರೆ ಹರಿವುದು,
ಹಸಿವು ಕೆಡುವುದು, ತೃಷೆಯಡಗುವುದು, ವ್ಯಸನ ನಿಲುವುದು.
ಇವೆಲ್ಲವನು ಹಿಂಗಿಸಿ ತಾ ಲಿಂಗವ್ಯಸನಿಯಾಗಬಲ್ಲಡೆ,
ಮುಂದೆ ಮಹಾಮಂಗಳದ ಬೆಳಗು ಕಾಣಿಪುದೆಂದರು
ನಮ್ಮ ಅಪ್ಪಣ್ಣಪ್ರಿಯ ಚೆನ್ನಬಸವಣ್ಣ.
Transliteration Ayyā, ī mahāghanava kāmbudakke
hasivu keḍabēku; tr̥ṣeyaḍagabēku; vyasana nillabēku;
nidre hariyabēku; jīvana bud'dhi hiṅgabēku;
mana pavana bindu oḍagūḍabēku;
citta ottaṭṭige hōgadirabēku.
Hottu hottige uttaravanēri beccu bērillade
liṅgadoḷage accottidante beredaḍe,
kattale harivudu, marave hiṅguvudu, nidre harivudu,
hasivu keḍuvudu, tr̥ṣeyaḍaguvudu, vyasana niluvudu.
Ivellavanu hiṅgisi tā liṅgavyasaniyāgaballaḍe,
munde mahāmaṅgaḷada beḷagu kāṇipudendaru
nam'ma appaṇṇapriya cennabasavaṇṇa.
