ಆಗದಾಗದು ಮರ್ತ್ಯದ ಮನುಜರಿಗೆ ಶಿವಸುಖ?
ಕಾಳುವಿಷಯದಲ್ಲಿ ಬಿದ್ದು
ನುಡಿವುತ್ತ ಮರೆವೆ, ನಡೆವುತ್ತ ಮರೆವೆ,
ಮೆಟ್ಟುತ್ತ ಮರೆವೆ, ಕೇಳುತ್ತ ಮರೆವೆ,
ನೋಡುತ್ತ ಮರೆವೆ.
ಇಂತು ಮರೆಹಿನೊಳಗಿದ್ದು
ಅರುಹ ಕಂಡೆಹೆವೆಂಬ ಅಣ್ಣಗಳಿರಾ,
ನೀವು ಕೇಳಿರೊ.
ನಮ್ಮ ಶರಣರ ನಡೆ ಎಂತೆಂದಡೆ;
ಐದು ಗುಣವನೆ ಅಳಿದು, ಐದು ಹಿಡಿದು,
ನುಡಿವುತ್ತ ಲಿಂಗವಾಗಿ ನುಡಿವರು,
ನಡೆವುತ್ತ ಲಿಂಗವಾಗಿ ನಡೆವರು,
ಮುಟ್ಟುತ್ತ ಲಿಂಗವಾಗಿ ಮುಟ್ಟುವರು,
ಕೇಳುತ್ತ ಲಿಂಗವಾಗಿ ಕೇಳುವರು,
ನೋಡುತ್ತ ಲಿಂಗವಾಗಿ ನೋಡುವರು,
ಸರ್ವಾಂಗವು ಲಿಂಗವಾಗಿ
ಅಂಗಲಿಂಗವೆಂಬ ಉಭಯವಳಿದು,
ಮಂಗಳದ ಮಹಾಬೆಳಗಿನಲ್ಲಿ
ಲಿಂಗವೆ ಗೂಡಾಗಿದ್ದ ಕಾರಣ
ಅಪ್ಪಣ್ಣಪ್ರಿಯ ಚೆನ್ನಬಸವಣ್ಣಾ.
Transliteration Āgadāgadu martyada manujarige śivasukha?
Kāḷuviṣayadalli biddu
nuḍivutta mareve, naḍevutta mareve,
meṭṭutta mareve, kēḷutta mareve,
nōḍutta mareve.
Intu marehinoḷagiddu
aruha kaṇḍ'̔ehevemba aṇṇagaḷirā,
nīvu kēḷiro.
Nam'ma śaraṇara naḍe entendaḍe;
aidu guṇavane aḷidu, aidu hiḍidu,
nuḍivutta liṅgavāgi nuḍivaru,
Naḍevutta liṅgavāgi naḍevaru,
muṭṭutta liṅgavāgi muṭṭuvaru,
kēḷutta liṅgavāgi kēḷuvaru,
nōḍutta liṅgavāgi nōḍuvaru,
sarvāṅgavu liṅgavāgi
aṅgaliṅgavemba ubhayavaḷidu,
maṅgaḷada mahābeḷaginalli
liṅgave gūḍāgidda kāraṇa
appaṇṇapriya cennabasavaṇṇā.
