ಆಸೆಯುಳ್ಳನ್ನಕ್ಕ ರೋಷ ಬಿಡದು
ಕಾಮವುಳ್ಳನ್ನಕ್ಕ ಕಳವಳ ಬಿಡದು
ಕಾಯಗುಣವುಳ್ಳನ್ನಕ್ಕ ಜೀವನ ಬುದ್ಧಿ ಬಿಡದು;
ಭಾವವುಳ್ಳನ್ನಕ್ಕ ಬಯಕೆ ಸವೆಯದು;
ನಡೆಯುಳ್ಳನ್ನಕ್ಕ ನುಡಿಗೆಡದು.
ಇವೆಲ್ಲವು ಮುಂದಾಗಿದ್ದು ಹಿಂದನರಿದೆನೆಂಬ
ಸಂದೇಹಿಗಳಿರಾ, ನೀವು ಕೇಳಿರೋ.
ನಮ್ಮ ಶರಣರು ಹಿಂದ ಹೇಗೆ ಅರಿದರೆಂದಡೆ;
ಆಸೆಯನಳಿದರು, ರೋಷವ ಹಿಂಗಿದರು,
ಕಾಮನ ಸುಟ್ಟರು, ಕಳವಳವ ಹಿಂಗಿದರು,
ಕಾಯಗುಣವಳಿದರು, ಜೀವನ ಬುದ್ಧಿಯ ಹಿಂಗಿದರು,
ಭಾವವ ಬಯಲುಮಾಡಿದರು, ಬಯಕೆಯ ಸವೆದರು.
ಹಿಂದನರಿದು ಮುಂದೆ ಲಿಂಗವೆ ಗೂಡಾದ ಶರಣರ
ಈ ಸಂದೇಹಿಗಳೆತ್ತ ಬಲ್ಲರು,
ಅಪ್ಪಣ್ಣಪ್ರಿಯ ಚೆನ್ನಬಸವಣ್ಣಾ.
Transliteration Āseyuḷḷannakka rōṣa biḍadu
kāmavuḷḷannakka kaḷavaḷa biḍadu
kāyaguṇavuḷḷannakka jīvana bud'dhi biḍadu;
bhāvavuḷḷannakka bayake saveyadu;
naḍeyuḷḷannakka nuḍigeḍadu.
Ivellavu mundāgiddu hindanaridenemba
sandēhigaḷirā, nīvu kēḷirō.
Nam'ma śaraṇaru hinda hēge aridarendaḍe;
āseyanaḷidaru, rōṣava hiṅgidaru,
kāmana suṭṭaru, kaḷavaḷava hiṅgidaru,
kāyaguṇavaḷidaru, jīvana bud'dhiya hiṅgidaru,
bhāvava bayalumāḍidaru, bayakeya savedaru.
Hindanaridu munde liṅgave gūḍāda śaraṇara
ī sandēhigaḷetta ballaru,
appaṇṇapriya cennabasavaṇṇā.
