ಪರಲೋಕದಲ್ಲಿ ಲಾಭವನರಸುವರು

ಪರಲೋಕದಲ್ಲಿ ಲಾಭವನರಸುವರು ಇಹಲೋಕದಲ್ಲಿ ಲೋಭವ ಮಾಡದೆ, ಮಾಡಿರೆ ದಾಸೋಹವ. ಹಲವು ಕಾಲದಿಂದ ನೆಯ್ದ ವಸ್ತ್ರವ ಲೋಭವ ಮಾಡದೆ ಇತ್ತಡೆ ಶಿವ ಮೆಚ್ಚಿ ತವನಿಧಿಯ ಕೊಡನೆ ದಾಸಮಯ್ಯಂಗೆ? ದೇವಾಂಗವಸ್ತ್ರವನು ಶಿವಗಣಂಗಳಿಗೆ ತೃಪ್ತಿಬಡಿಸಿದ ಅಮರನೀತಿ ಶಿವನ ಕೌಪೀನಕ್ಕೆ ತನ್ನ ಗುರಿಯ ಮಾಡಿದಡೆ ಕಾಯವೆರಸಿ ಕೈಲಾಸಕ್ಕೆ ಹೋಗನೆ? ಇದು ಕಾರಣ, ನಮ್ಮ ಉರಿಲಿಂಗಪೆದ್ದಿಪ್ರಿಯ ವಿಶ್ವೇಶ್ವರನ ಶರಣರಿಗೆ ಉಣಲಿಕ್ಕಿ ಉಡಕೊಟ್ಟು ಉಪಚರಿಸಿದಡೆ ಶಿವನೊಲಿದು ಇತ್ತ ಬಾ ಎಂದೆತ್ತಿಕೊಳ್ಳನೆ?

Transliteration Paralōkadalli lābhavanarasuvaru ihalōkadalli lōbhava māḍade, māḍire dāsōhava. Halavu kāladinda neyda vastrava lōbhava māḍade ittaḍe śiva mecci tavanidhiya koḍane dāsamayyaṅge? Dēvāṅgavastravanu śivagaṇaṅgaḷige tr̥ptibaḍisida amaranīti śivana kaupīnakke tanna guriya māḍidaḍe kāyaverasi kailāsakke hōgane? Idu kāraṇa, nam'ma uriliṅgapeddipriya viśvēśvarana śaraṇarige uṇalikki uḍakoṭṭu upacarisidaḍe śivanolidu itta bā endettikoḷḷane?

ಪ್ರತಿಕ್ರಿಯೆಗಳು / Comments