ಉರಿಲಿಂಗಪೆದ್ದಿ   
  •  
  •  
  •  
  •  


Index   ವಚನ - 218    Search  
 
ಮಹಾಸ್ಥಾನದಲ್ಲಿ ಗುರುಸ್ವರೂಪನಾಗಿರುತಿರ್ದೆ, ಭ್ರೂಮಧ್ಯಸ್ಥಾನದಲ್ಲಿ ಲಿಂಗಸ್ವರೂಪನಾಗಿರುತಿರ್ದೆ, ಹೃದಯಕಮಲದಲ್ಲಿ ಜಂಗಮಸ್ವರೂಪನಾಗಿರುತಿರ್ದೆ, ಈ ಪರಿಯೆಲ್ಲಿ ಅಂತರಂಗ ಬಹಿರಂಗ ಭರಿತನಾಗಿರ್ದೆಯಯ್ಯಾ. ಇನ್ನು ಬಹಿರಂಗದಲ್ಲಿ ಶ್ರೀಗುರುಲಿಂಗವಾಗಿ ದೀಕ್ಷಿಸಿ ರಕ್ಷಿಸಿದೆ. ಶಿವಲಿಂಗವಾಗಿ ಕರಸ್ಥಲದಲ್ಲಿ ಪೂಜೆಗೊಂಡು ರಕ್ಷಿಸಿದೆ, ಜಂಗಮಲಿಂಗವಾಗಿ ಎನ್ನವಗುಣಗಳನೆಲ್ಲವ ಕಳೆದು ರಕ್ಷಿಸಿದೆ. ಇಂತು ತ್ರಿವಿಧಲಿಂಗವು ಒಂದೆಯಾಗಿ ಅಂತರಂಗ ಬಹಿರಂಗ ಭರಿತ ಮಹಾಪ್ರಸಾದವ ಕರುಣಿಸಿ ಮುಕ್ತನ ಮಾಡಿದೆಯಯ್ಯಾ, ಉರಿಲಿಂಗಪೆದ್ದಿಪ್ರಿಯ ವಿಶ್ವೇಶ್ವರಾ.
Transliteration Mahāsthānadalli gurusvarūpanāgirutirde, bhrūmadhyasthānadalli liṅgasvarūpanāgirutirde, hr̥dayakamaladalli jaṅgamasvarūpanāgirutirde, ī pariyelli antaraṅga bahiraṅga bharitanāgirdeyayyā. Innu bahiraṅgadalli śrīguruliṅgavāgi dīkṣisi rakṣiside. Śivaliṅgavāgi karasthaladalli pūjegoṇḍu rakṣiside, jaṅgamaliṅgavāgi ennavaguṇagaḷanellava kaḷedu rakṣiside. Intu trividhaliṅgavu ondeyāgi antaraṅga bahiraṅga bharita mahāprasādava karuṇisi muktana māḍideyayyā, uriliṅgapeddipriya viśvēśvarā.