ಶ್ರೀಗುರುಪ್ರೇಮವಿಲ್ಲದೆ ಲಿಂಗಾರ್ಚನೆಯ ಮಾಡಿದಡೆ
ಅದು ಲಿಂಗಾರ್ಚನೆಲ್ಲ.
ಜಂಗಮಪ್ರೇಮವಿಲ್ಲದೆ ಲಿಂಗಾರ್ಚನೆಯ ಮಾಡಿದಡೆ
ಅದೂ ಲಿಂಗಾರ್ಚನೆಯಲ್ಲ.
ಶಿವಲಿಂಗಪ್ರೇಮವಿಲ್ಲದೆ ಲಿಂಗಾರ್ಚನೆಯ ಮಾಡಿದಡೆ
ಅದೂ ಲಿಂಗಾರ್ಚನೆಯಲ್ಲ.
ಅರ್ಪಿತವನರಿತು, ಅರ್ಪಿಸಿ ಪ್ರಸನ್ನತೆಯ ಹಡೆದು
ಪ್ರಸಾದವ ಗ್ರಹಿಸದೆ ಲಿಂಗಾರ್ಚನೆಯ ಮಾಡಿದಡೆ
ಅದೂ ಲಿಂಗಾರ್ಚನೆಯಲ್ಲ.
ಸರ್ವಾಚಾರಸಂಪತ್ತಿಲ್ಲದೆ ಲಿಂಗಾರ್ಚನೆ ಮಾಡಿದಡೆ
ಅದೂ ಲಿಂಗಾರ್ಚನೆಯಲ್ಲ.
ವಿಚಾರಜ್ಞಾನ ಸುಜ್ಞಾನ ಮಹಾಜ್ಞಾನವೆಂಬ
ಪರಿಯನರಿಯದೆ ಲಿಂಗಾರ್ಚನೆಯ ಮಾಡಿದಡೆ
ಅದೂ ಲಿಂಗಾರ್ಚನೆಯಲ್ಲ.
ಪ್ರಸಾದವ ಹಡೆದು ಮುಕ್ತನಲ್ಲ
'ಪೂಜಕಾ ಬಹವಸ್ಸಂತಿ ಭಕ್ತಾಶ್ಚ ಲಕ್ಷಮೇವ ಚ
ಮತ್ಪ್ರಸಾದಧರಾ ದೇವಿ ದ್ವೌ ತ್ರಯೋ ದ[ಶ] ಪಂಗಕಃ'
ಇಂತು ಪೂಜಕರಪ್ಪರು.
ಬೆಟ್ಟವನೆಚ್ಚ ಕೋಲ್ತಪ್ಪದಂತೆ, ಪೂಜೆಯ ಫಲವುಂಟು.
ಸಜ್ಜನಸದ್ಭಕ್ತಿಶಿವಾಚಾರ ಸಂಪತ್ತಿಗೆ ಸಲ್ಲದು.
ಇದನರಿದು ಶ‍್ರೀಗುರುಲಿಂಗ ಶಿವಲಿಂಗದಲ್ಲಿ ಜಂಗಮಲಿಂಗದಲ್ಲಿ
ಅತ್ಯಂತ ಪ್ರೇಮಿಯಾಗಿ,
ಆವಾವ ವಸ್ತು ತನಗೆ ಪ್ರೇಮವಾದುದನಿತ್ತು
ಪ್ರಸಾದಿಯಾಗಿ, ಶಿವಲಿಂಗಾರ್ಚನೆಯಂ ಮಾಡಿದಡೆ
ಸರ್ವಲೋಕಕ್ಕೆ ಪೂಜ್ಯನಪ್ಪನಯ್ಯಾ
ಉರಿಲಿಂಗಪೆದ್ದಿಪ್ರಿಯ ವಿಶ್ವೇಶ್ವರಾ..
Transliteration Śrīguruprēmavillade liṅgārcaneya māḍidaḍe
adu liṅgārcanella.
Jaṅgamaprēmavillade liṅgārcaneya māḍidaḍe
adū liṅgārcaneyalla.
Śivaliṅgaprēmavillade liṅgārcaneya māḍidaḍe
adū liṅgārcaneyalla.
Arpitavanaritu, arpisi prasannateya haḍedu
prasādava grahisade liṅgārcaneya māḍidaḍe
adū liṅgārcaneyalla.
Sarvācārasampattillade liṅgārcane māḍidaḍe
adū liṅgārcaneyalla.
Vicārajñāna sujñāna mahājñānavemba
pariyanariyade liṅgārcaneya māḍidaḍe
adū liṅgārcaneyalla.
Prasādava haḍedu muktanalla
'pūjakā bahavas'santi bhaktāśca lakṣamēva ca
matprasādadharā dēvi dvau trayō da[śa] paṅgakaḥ'
intu pūjakarapparu.
Beṭṭavanecca kōltappadante, pūjeya phalavuṇṭu.
Sajjanasadbhaktiśivācāra sampattige salladu.
Idanaridu śrīguruliṅga śivaliṅgadalli jaṅgamaliṅgadalli
atyanta prēmiyāgi,
Āvāva vastu tanage prēmavādudanittu
prasādiyāgi, śivaliṅgārcaneyaṁ māḍidaḍe
sarvalōkakke pūjyanappanayyā
uriliṅgapeddipriya viśvēśvarā..
