ಸದ್ಭಕ್ತಿಯೆ ಆರು ಸ್ಥಲಕ್ಕೆ ಮುಖ್ಯ
ಸದ್ಭಕ್ತಿಯ ಕೂಡಿಕೊಂಡು ಷಟ್‍ಸ್ಥಲವಿಪ್ಪುದು. ಇದು ಕಾರಣ:
ಸದ್ಭಕ್ತಿಯಿಂ ಲಿಂಗದ-ಲಿಂಗವಂತರ ಸುಖವನು,
ಮಹಿಮೆಯ ಪೂಜೆಯನು ಅರಿದು ಮರೆದು
ವಿಷ್ಣು ಕಷ್ಟಜನ್ಮದಲ್ಲಿ ಬಂದನು.
ಅರಿದು ಮರೆದು ಬ್ರಹ್ಮನು ಘನವೆಂದು
ಶಿರವ ಹೋಗಾಡಿಕೊಂಡನು.
ಅರಿದು ಮರೆದು ಇಂದ್ರನು ಭಂಗಿತನಾಗಿ
ಐಶ್ವರ್ಯಮಂ ಹೋಗಾಡಿಕೊಂಡನು.
ಅರಿದು ಮರೆದು ದಕ್ಷನು ಭಂಗಿತನಾಗಿ
ಶಿರವ ಹೋಗಾಡಿಕೊಂಡನು.
ಅರಿದು ಮರೆದು ವ್ಯಾಸನು ಹಸ್ತವ ಹೋಗಾಡಿಕೊಂಡನು.
ಈ ದೃಷ್ಟವ ಹಲವು ಪುರಾತನರು ಕೇಳಿರಣ್ಣಾ:
ಅರಿದು ಮರೆಯದೆ ನಂಬಲು ಸಿರಿಯಾಳನಿಗೆ ಶಿವಪದವಾಯಿತ್ತು.
ಅರಿದು ಮರೆಯದೆ ನಂಬಲು
ಸಿಂಧುಬಲ್ಲಾಳಂಗೆ ಶಿವಪದವಾಯಿತ್ತು.
ಅರಿದು ಮರೆಯದೆ ನಂಬಲು
ನಂಬಿಯಣ್ಣನ ಬೆನ್ನಿಲಿ ಶಿವ ಬಂದನು.
ಅರಿದು ಮರೆಯದೆ ನಂಬಲು
ನಿಂಬವ್ವೆಗೆ ಶಿವಪದವಾಯಿತ್ತು.
ಅರಿದು ಮರೆಯದೆ ನಂಬಲು
ಕೆಂಭಾವಿಯ ಭೋಗಣ್ಣನ ಬೆನ್ನಿಲಿ ಶಿವ ಬಂದನು.
ಅರಿದು ಮರೆಯದೆ ನಂಬಲು ಪುರಾತನರೆಲ್ಲರು
ಶಿವಪದಂಗಳ ಪಡೆದರು.
ಇದನು ಶ್ರುತ ದೃಷ್ಟ ಅನುಮಾನದಿಂ ಕೇಳಿ, ನಿಶ್ಚೈಸಿ, ನಂಬಿ.
ಅರಿವಿನ ಹದವಿದು, ಮರವೆಯ ಪರಿಯಿದು
ಇಷ್ಟವಾದುದ ಹಿಡಿದು ಅನಿಷ್ಟವಾದುದ ಬಿಟ್ಟು
ಅರಿವು ಸಯವಾಗಲು ಶಿವಪದವಪ್ಪುದು ತಪ್ಪದು, ಶಿವನಾಣೆ
ಉರಿಲಿಂಗಪೆದ್ದಿಪ್ರಿಯ ವಿಶ್ವೇಶ್ವರಾ.
Transliteration Sadbhaktiye āru sthalakke mukhya
sadbhaktiya kūḍikoṇḍu ṣaṭsthalavippudu. Idu kāraṇa:
Sadbhaktiyiṁ liṅgada-liṅgavantara sukhavanu,
mahimeya pūjeyanu aridu maredu
viṣṇu kaṣṭajanmadalli bandanu.
Aridu maredu brahmanu ghanavendu
śirava hōgāḍikoṇḍanu.
Aridu maredu indranu bhaṅgitanāgi
aiśvaryamaṁ hōgāḍikoṇḍanu.
Aridu maredu dakṣanu bhaṅgitanāgi
śirava hōgāḍikoṇḍanu.Aridu maredu vyāsanu hastava hōgāḍikoṇḍanu.
Ī dr̥ṣṭava halavu purātanaru kēḷiraṇṇā:
Aridu mareyade nambalu siriyāḷanige śivapadavāyittu.
Aridu mareyade nambalu
sindhuballāḷaṅge śivapadavāyittu.
Aridu mareyade nambalu
nambiyaṇṇana bennili śiva bandanu.
Aridu mareyade nambalu
nimbavvege śivapadavāyittu.
Aridu mareyade nambaluKembhāviya bhōgaṇṇana bennili śiva bandanu.
Aridu mareyade nambalu purātanarellaru
śivapadaṅgaḷa paḍedaru.
Idanu śruta dr̥ṣṭa anumānadiṁ kēḷi, niścaisi, nambi.
Arivina hadavidu, maraveya pariyidu
iṣṭavāduda hiḍidu aniṣṭavāduda biṭṭu
arivu sayavāgalu śivapadavappudu tappadu, śivanāṇe
uriliṅgapeddipriya viśvēśvarā.
