ಹಸುವಿಂಗೆ ಸಂಜ್ಞೆ, ಎತ್ತಿಂಗೆ ಮುಟ್ಟು, ಕರುವಿಂಗೆ ಲಲ್ಲೆ.
ಇಂತೀ ತ್ರಿಗುಣದ ಇರವ, ತ್ರಿಗುಣಾತ್ಮಕ ಭೇದವ,
ತ್ರಿಗುಣ ಭಕ್ತಿಯ ಮುಕ್ತಿಯ, ತ್ರಿಗುಣ ಘಟಾದಿಗಳ,
ತ್ರಿಗುಣ ಮಲ ನಿರ್ಮಲಂಗಳ,
ತ್ರಿಗುಣ ಸ್ವಯ ಚರ ಪರಂಗಳಲ್ಲಿ
ತ್ರಿವಿಧ ಶಕ್ತಿ ತ್ರಿವಿಧ ಮುಕ್ತಿ
ಇಂತೀ ತ್ರಿವಿಧಂಗಳೊಳಗಾಗಿ
ಉತ್ಪತ್ಯ ಸ್ಥಿತಿ ಲಯ ತ್ರಿವಿಧದ ಹೆಚ್ಚು ಕುಂದನರಿತು,
ಎತ್ತು ಹಸುವಿನ ಸಂಗದಿಂದ ಕರುವಾದ ತೆರನನರಿತು
ಇಂತೀ ಒಂದರಲ್ಲಿ ಒಂದು ಕೂಡಲಿಕ್ಕೆ
ಬಿಂದು ನಿಂದು ಕುರುಹಾದುದ ಕಂಡು
ನೆನೆದು ನೆನೆಸಿಕೊಂಬುದದೇನೆಂದು ತಿಳಿದು,
ಇಂತೀ ಅಂಡ ಪಿಂಡಗಳಲ್ಲಿ ನಿರಾತ್ಮನು ಆತ್ಮನಾಗಿ,
ನಾನಾರೆಂಬುದ ತಾನರಿತು ತಿಳಿದಲ್ಲಿ
ತುರುಮಂದೆಯೊಳಗಾಯಿತ್ತು.
ಇದು ಗೋಪತಿನಾಥನ ಕೂಟ,
ವಿಶ್ವನಾಥಲಿಂಗನ ಲೀಲಾಭಾವದಾಟ.
Transliteration Hasuviṅge san̄jñe, ettiṅge muṭṭu, karuviṅge lalle.
Intī triguṇada irava, triguṇātmaka bhēdava,
triguṇa bhaktiya muktiya, triguṇa ghaṭādigaḷa,
triguṇa mala nirmalaṅgaḷa,
triguṇa svaya cara paraṅgaḷalli
trividha śakti trividha mukti
intī trividhaṅgaḷoḷagāgi
utpatya sthiti laya trividhada heccu kundanaritu,
ettu hasuvina saṅgadinda karuvāda terananaritu
Intī ondaralli ondu kūḍalikke
bindu nindu kuruhāduda kaṇḍu
nenedu nenesikombudadēnendu tiḷidu,
intī aṇḍa piṇḍagaḷalli nirātmanu ātmanāgi,
nānārembuda tānaritu tiḷidalli
turumandeyoḷagāyittu.
Idu gōpatināthana kūṭa,
viśvanāthaliṅgana līlābhāvadāṭa.
