ಎಂಟು ಯೋಗ ಆರು ಭೇದ
ಮೂರು ಬಟ್ಟೆ ಐದು ಮುಟ್ಟು
ಈರೈದು ಹಾದಿ ಹದಿನಾರು
ಸಂಗ ನಾಲ್ಕು ಮೆಟ್ಟು ಎರಡು ಸಂಚಾರ
ಒಂದರ ಕಟ್ಟಿನಲ್ಲಿ ಮುಟ್ಟುಮಾಡಿ ನಿಲಿಸಿ,
ದೃಷ್ಟದ ಇಷ್ಟದಲ್ಲಿ ಬೈಚಿಟ್ಟು,
ಅವರವರ ಸ್ವಸ್ಥಾನದ ಕಟ್ಟಣೆಯಲ್ಲಿ ವಿಶ್ರಮಿಸಿ
ಆ ಚಿತ್ತವ ಆ ಚಿತ್ತು ಒಡಗೂಡಿ ಇಪ್ಪುದೆ ಕ್ರಿಯಾಪಥ
ಲಿಂಗಾಂಗಯೋಗ.
ಇದನರಿಯದೆ ಮಾಡುವ ಯೋಗವೆಲ್ಲವು ತನ್ನಯ ಭವರೋಗ,
ಶಂಭುವಿನಿಂದಿತ್ತ ಸ್ವಯಂಭುವಿನಿಂದತ್ತ ಅತಿಬಳ ನೋಡಾ,
ಮಾತುಳಂಗ ಮಧುಕೇಶ್ವರನು.
Transliteration Eṇṭu yōga āru bhēda
mūru baṭṭe aidu muṭṭu
īraidu hādi hadināru
saṅga nālku meṭṭu eraḍu san̄cāra
ondara kaṭṭinalli muṭṭumāḍi nilisi,
dr̥ṣṭada iṣṭadalli baiciṭṭu,
avaravara svasthānada kaṭṭaṇeyalli viśramisi
ā cittava ā cittu oḍagūḍi ippude kriyāpatha
liṅgāṅgayōga.
Idanariyade māḍuva yōgavellavu tannaya bhavarōga,
śambhuvininditta svayambhuvinindatta atibaḷa nōḍā,
mātuḷaṅga madhukēśvaranu.
