ಅರಿವುಳ್ಳವಂಗೆ ಆರನರಿದೆಹೆನೆಂಬುದೆ ಮಾಯೆ.
ಮೂರ ಮರೆದು ಬೇರೊಂದ ಕಂಡೆಹೆನೆಂಬುದೆ ಮಾಯೆ.
ನುಡಿಯ ನುಡಿವವರಲ್ಲಿ ಎಡೆ ಮಾತನಾಡಿ
ಬೇರೊಂದೆಡೆವುಂಟೆಂಬುದೆ ಮಾಯೆ.
ಘಟಮಟವೆಂಬ ಮನೆಯಲ್ಲಿ
ಮರವೆಯೆಂಬ ಮಾರಿಯ ಹೊತ್ತು
ಭವವೆಂಬ ಬಾಗಿಲಲ್ಲಿ ತಿರುಗಾಡುತ್ತಿದ್ದೇನೆ.
ಡಕ್ಕೆಯ ಡಾವರಕ್ಕೆ ಸಿಕ್ಕಿ ನೊಂದೆನು.
ಇದರಚ್ಚುಗವ ಬಿಡಿಸು,
ಕಾಲಾಂತಕ ಭೀಮೇಶ್ವರಲಿಂಗ.
Transliteration Arivuḷḷavaṅge āranaridehenembude māye.
Mūra maredu bēronda kaṇḍ'̔ehenembude māye.
Nuḍiya nuḍivavaralli eḍe mātanāḍi
bērondeḍevuṇṭembude māye.
Ghaṭamaṭavemba maneyalli
maraveyemba māriya hottu
bhavavemba bāgilalli tirugāḍuttiddēne.
Ḍakkeya ḍāvarakke sikki nondenu.
Idaraccugava biḍisu,
kālāntaka bhīmēśvaraliṅga.
